धुलिखेल अस्पताल क्षेत्र सिल  |  प्रधानमन्त्री ओली र प्रचण्ड बिच भेटवाता, कस्तो रह्यो भेट ?  |  ज्यानमार्ने उद्योगमा पक्राउ परेकालाई छुटाईदिन्छु भनि रकम लिने नुवाकोट शिवपुरीका युवक पक्राउ  |  नेपालमा कोरोनाको सङ्क्रमणसँगै मृत्युको ग्राफ बढ्दो, सर्तकता अपनाइएन भने ठुलो क्षती व्यहोर्नुपर्ने  |  सवारी दुर्घटनामा दुईको मृत्यु  |  हिजो मुल्यमा भारी गिरावट आएको सुन आज फेरी बढयो, कति पुग्यो आज तोलाको ?  |  घुस लिने प्रहरी निलम्बितः नलिने पुरस्कृत  |  सिन्धुपाल्चोकको बाढीपहिरा पीडितलाई चीनको सहयोग  |  कोरोनाको महामारीमा पनि बिप्लबका कार्यकर्ता पक्रदै प्रहरी,बिप्लबका १३ कार्यकर्ता पक्राउ  |  काँग्रेसका जिल्ला सभापतिहरुको बैठकको निष्कर्ष:विधानमै व्यवस्था नभएका विभागहरूमा मनोनयन गर्नु हास्यास्पद, त्यसलाई मान्दैनौं
पर्यटन /बिबिध समाचार
Feb 11, 2020
आइसीसी विश्वकप लिग दुई : ओमानलाई उछिन्ने प्रयासमा अमेरिका
विक्रम गिरी काठमाडौँ,  माघ  २८ आइसीसी विश्वकप क्रिकेट लिग दुईअन्तर्गत अमेरिका र ओमान भिड्दैछन् । ओमानलाई उछिन्ने अमेरिकाको आजको खेलमा प्रयास रहनेछ । कीर्तिपुरस्थित त्रिवि क्रिकेट मैदानमा अमेरिका ओमानसित दोस्रोपटक खेल्न लागेको हो । यसअघि अमेरिका ओमानसित माघ २३ गते पहिलो खेलमा छ विकेटले पराजित भएको थियो । अमेरिकाको पूरै ध्यान ओमानलाई उछिनेर शीर्षस्थानमा उक्लिने रहनेछ । ओमान हालसम्म नौ खेलमा सातमा जित तथा दुईमा हारका साथ १४ अङ्कसहित शीर्षस्थानमा छ । उसको रनरेट राम्रो छैन । अमेरिकाले आजको खेल जिते शीर्षस्थानमा पुग्नेछ । हालसम्म खेलेको १० खेलमध्ये छ मा जित र चारमा हारेको अमेरिकाले १२ अङ्क बटुलेको छ । हालसम्म ओमानले दुईपटक टस जितेको छ । दुवैपटक उसले फिल्डिङ नै रोजेको थियो । पहिलो खेलमा हारेको अमेरिका त्यसको बदला लिने दाउमा छ । ओमानले हालसम्म कीर्तिपुरमा खेलेको तीनवटै खेलमा शतप्रतिशत नजिता निकालेको छ । उसले नेपाललाई दुवै खेलमा पराजित गरेको थियो । ओमानले नेपाललाई पहिलो खेलमा १८ रनले तथा दोस्रो खेलमा आठ विकेटले हराएको थियो । ओमानको ब्याटिङ पक्ष बलियो देखिएको छ । नेपालसितको दोस्रो खेलमा शतकीय पारी खेलेका अलराउन्डर अकीब इलियासमाथि सबैको ध्यान हुनेछ । तेस्रो नम्बरमा ब्याटिङ गर्दै आएका इलियासले हालसम्म तीन खेलमा १९७ रन बनाएका छन् । नेपालसितको पहिलो खेलमा १६ रनमा रनआउट भएका उनले दोस्रो खेलमा अविजित १०९ रन बनाएका थिए । यस्तै इलियासले अमेरिकासितको पहिलो खेलमा ७२ रन बनाएका थिए । इलियासले बलिङ पनि राम्रो गरेका छन् । उनले हालसम्म तीन खेलबाट सात विकेट लिइसकेका छन् । यस्तै ओमानको ब्याटिङ इलियाससँगै कप्तान जेशन मक्सुद, मोहमद नदिम, खबर अली र सुरज कुमारमाथि निर्भर रहनेछ । ओमान बलिङका लागि इलियाससँगै जेशन मक्सुद, बिलाल खान, कलिमउल्लाह र मोहमद नदीममाथि भर पर्नेछ । नदीमले हालसम्म तीन खेलबाट सात, मक्सुदले पाँच, बिलालले चार तथा कलिम उल्लाहले तीन विकेट लिन सफल भएका छन् । यसैगरी अमेरिका ब्याटिङका लागि इयान होल्याण्ड, अक्षय होमराज, मोनाङ्क पटेल, जेभियर मार्शल र आरोन जोन्समाथि निर्भर रहनेछ । अमेरिकाको ओपनिङ खासै जमेको छैन । ओमानसितको पहिलो खेलमा प्रारम्भिक ब्याटस्म्यान मार्शल र आरोनले २५ रनको साझेदारी निभाएका थिए । सो खेलमा मार्शलले १३ रन तथा आरोनले १२ रन बनाएका थिए । नेपालसितको खेलमा पनि उनीहरु सफल हुन सकेका थिएनन् । उक्त खेलमा मार्शलले मात्र दुई रन बनाएका थिए । आरोनले पाँच रन हानेका थिए । अमेरिकाका लागि सबैभन्दा भरपर्दा ब्याटस्म्यान अहिलेसम्म इयान होल्याण्ड देखिएका छन् । उनले ओमानसितको पहिलो खेलमा ६५ रन तथा नेपालसितको खेलमा ७५ रन बनाएका थिए । यसबाहेक अक्षय होमराजले ओमानसितको पहिलो खेलमा ४४ रन बनाउनुबाहेक अन्य ब्याटस्म्यानले उल्लेख्य रन बनाउन सकेका छैनन् । यस्तै बलिङतर्फ अमेरिका कप्तान सौरभ नेत्रावाल्कर, केमरुन स्टभेन्सन, स्टेभन टेलर, रुस्टी थेरेन, इयान होल्याण्ड र एलमोर हुचिन्सनमाथि भर पर्नेछ । हालसम्म खेलेका दुई खेलमा केमरुन र सौरभले तीन–तीन तथा अन्यले एक–एक विकेट मात्र लिएका छन् । केमरुनले नेपालसितको खेलमा तीन विकेट लिएका थिए भने सौरभले दुई विकेट लिएका थिए । समग्रमा लिगको शीर्षस्थानमा उक्लिनका लागि ब्याटिङ, बलिङ र फिल्डिङमा निकै मेहनत गर्नुपर्नेछ । सामान्य खेल प्रदर्शनले उसको शीर्षस्थानको लक्ष्य पूरा हुनेछैन । ओमान अहिले उत्कृष्ट लयमा छ । उसको ब्याटिङ, बलिङ र फिल्डिङ निकै बलियो छ । यही कारणले हालसम्मका तीनवटै खेलमा जित हात पारेको हो । त्यसैले आजको खेलमा ओमानलाई हराउन अमेरिकालाई सहज हुनेछैन । ओमानको ब्याटिङ लाइनलाई नियन्त्रणमा लिनसके अमेरिकाले जित निकाल्न सक्छ । शीर्षस्थानमा रही प्रसन्नताका साथ घर फर्किने इच्छा पूरा हुनेछ । अमेरिका र ओमानले गत वर्ष एकदिवसीय मान्यता पाएका हुन् । –––


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video