प्रमुख समाचार
Mar 24, 2020
स्वदेश आउन चाहनेलाई प्रवेश दिनुपर्ने माग गर्दै रिट
काठमाण्डौं । चैत्र ११ । कोरोना भाइरसका कारण बिदेशमा अलपत्र परेकाहरुलाई स्वदेशमा आउन चाहेमा प्रवेश दिनुपर्ने माग सहित सर्वोच्च अदालतमा रिट दायर गरिएको छ ।  कोभिड–१९ रोकथाम तथा नियन्त्रणका लागि सरकारद्वारा गठित उच्चस्तरीय समितिसहित आठ सरकारी निकाय तथा समितिलाई विपक्षी बनाएर आज अधिवक्ताद्वय माधव बस्नेत र मीरा खड्का बस्नेतले दायर गरेको रिट निवेदनमा नेपालीलाई प्रवेश रोक्ने कार्य गैरकानूनी भएको उल्लेख छ ।
     
 रिट निवेदनमा भनिएको छ, “नेपाली नागरिकलाई विदेशमा असुरक्षित रुपमा राख्नुपर्ने आवश्यकता नरहेकाले नेपाल आउन चाहने प्रत्येक नेपालीलाई प्रवेश निषेध नगरी सहज अनुमपति दिनु ।” आफू आउन नसक्नेलाई सरकारले उद्धार गरी ल्याउनसमेत रिट निवेदनमा माग गरिएको छ । 
      
कोभिड–१९ को जोखिम न्यूनीकरणका लागि सरकारले गत साता युरोपका सबै मुलुक, पश्चिम एशियालगायत खाडी मुलुक इरान, टर्की, मलेसिया र जापानबाट आउने तथा ती मुलुकका ट्रान्जिट बनाइ जुनसुकै मुलुकबाट आउने यात्रुहरुलाई प्रतिबन्ध लगाउने निर्णय गरेको थियो । आइतबारदेखि नेपाल आउने सबै नियमित उडानसमेत बन्द गर्ने निर्णय गरेको छ ।


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video