शिक्षा /स्वास्थ्य
May 21, 2020
दाङमा थप एकमा संक्रमणः कूल संक्रमित ४५४
काठमाण्डौं । जेष्ठ ८ ।कोभिड –१९ को संक्रमण दाङका एक जनामा देखिएको छ । स्वास्थ्य तथा जनसंख्या मन्त्रालयका सहप्रवक्ता डा समिरकुमार अधिकारीले राप्ती स्वास्थ्य विज्ञान प्रतिष्ठान घोराहीमा आज पिसिआर परीक्षणका क्रममा एक जनामा संक्रमण देखिएको बताउनुभयो । 
संक्रमित घोराही उपमहानगरपालिका वडा नंं ३ का ३७ वर्षीय पुरुष हुन् । यसअघि आज मात्रै  २६ जनामा संक्रमण देखिएको थियो ।  अहिलेसम्म संक्रमित ४५४ जना पुगेका छन् । कोभिड –१९ को संक्रमणबाट नेपालमा आजसम्म तीन जनाको मृत्यु भएको छ ।  उहाँका अनुसार संक्रमितको स्वास्थ्यावस्था सामान्य रहेको र ती स्वास्थ्यकर्मीको निगरानीमा  छन् । 
घोराही–कोरोना संक्रमण पुष्टि भएका पुरूष घोराही उपमहानगरपालिकाले सञ्चालन गरेको कुइरेपानी क्वारेन्टाइनमा छन् । उनी यही जेठ ५ गते भारतको दिल्लीबाट आएको नगरप्रमुख नरूलाल चौधरीले जानकारी दिनुभयो ।  “कोरोना संक्रमण देखिएका व्यक्ति भारतको दिल्लीबाट आएको भन्ने सूचना पाएका छौंँ, उनको सम्पर्कमा रहेकाहरुको खोजी गर्ने काम शुरु भएको छ”,  नगरप्रमुख चौधरीले भन्नुभयो । 
संक्रमितसँगै क्वारेन्टिनमा पाँच जना आएका थिए । ती पुरूषमा कोरोना संक्रमण देखिएसँगै कुइरेपानीको क्वारेन्टिन बन्द गरिएको छ । यससँगै दाङमा तीन जनामा कोरोना संक्रमण देखिएको छ । यसअघि  गढवा गाउँपालिका वडा नम्बर ४ र ५ का दुई पुरूषमा कोरोना पुष्टि भएको थियो । उनीहरूको अहिले कोरोना विशेष अस्पताल बेलझुण्डीमा उपचार भइरहेको छ ।  


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video