केयू आजदेखि बन्द  |  महिला स्वास्थ्यकर्मी कुट्ने दुई जना प्रहरी नियन्त्रणमा  |  कोरोना नियन्त्रणको काममा रकम अभाव हुन दिन्न : मुख्यमन्त्री पौडेल  |  पार्टीमा सैद्धान्तिकभन्दा व्यक्तिगत टकराव छ : बोहरा  |  उपरजिष्ट्रारको कानूनी पुस्तक सार्वजनिक  |  वैदेशिक रोजगारबाट पठाइएको रकमबारे पत्नीले पतिलाई हिसाब बुझाउन नसक्दा सम्बन्धविच्छेद  |  श्रीकृष्णजन्माष्टमी पर्वले सम्पूर्ण नेपालीमा आपसी प्रेम, करुणा र मैत्रीभावना जागृत गरोस् : राष्ट्रपति  |  श्रीकृष्ण जन्माष्टमी  |  मिति २०७७ साल साउन २७ गते मंगलबार, अगष्ट ११ तारीख हेरौं राशिफल  |  ‘भदौ १५ सम्म सार्वजनिक यातायात रोकौँ’
प्रमुख समाचार
Jul 02, 2020
व्यासको आन्तरिक आम्दानी रु १० करोड
दमौली, असार १८ तनहुँको व्यास नगरपालिकाले चालू आर्थिक वर्ष २०७६÷७७ मा लक्ष्यभन्दा कम राजश्व सङ्कलन गरेको छ । कूल रु १६ करोड छ लाख ९६ हजार राजश्व सङ्कलन गर्ने लक्ष्य राखेको नगरपालिकाले गत जेठ मसान्तसम्म लक्ष्यभन्दां करीब रु छ करोड कम राजश्व सङ्कलन गरेको हो । जेठ मसान्तसम्म रु १० करोड १९ लाख २६ हजार ९८८ मात्रै राजश्व सङ्कलन भएको नगर प्रमुख बैकुण्ठ न्यौपानेले जानकारी दिनुभयो । कोरोना कहर र चैत दोस्रो सातादेखि बन्दाबन्दी भएपछि राजश्व सङ्कलन गर्ने लक्ष्य प्रभावित भएको न्यौपानेले बताउनुभयो । नगरपालिकाले चालू आवका लागि रु १४ करोड ८५ लाख आन्तरिक आम्दानी हुने अनुमान गरे पनि संशोधन गरेर रु १६ करोड ६ लाख ६९ हजार पु¥याएको थियो । स्थानीय करबाट रु आठ करोड ६३ लाख ३० हजार आम्दानी हुने अनुमान गरिएका रु पाँच करोड दुई लाख ४० हजार ९०, शुल्कबाट रु एक करोड ८३ लाख ९० हजार आम्दानी हुने अनुमान गरिएकामा रु एक करोड ६७ लाख सात हजार ५३१, दस्तुरबाट रु तीन करोड २८ लाख ८० हजार आम्दानी हुने अनुमान गरिएका रु दुई करोड ९ लाख ३५ हजार ३१४, दण्ड जरिवानाबाट रु दुई लाख आम्दानी हुने अनुमान गरिएकामा रु एक लाख ८३ हजार ६८२ र अन्यबाट रु दुई करोड २८ लाख ९६ हजार आम्दानी हुने अनुमान गरिएका रु एक करोड ३८ लाख ६० हजार ३७० मात्रै आम्दानी भएको नगरपालिकाले जनाएको छ । आगामी आवको लक्ष्य रु १६ करोड नगरपालिकाले आगामी आव २०७७÷७८ का लागि रु १६ करोडको आन्तरिक आम्दानी लक्ष्य राखेको छ । नगरपालिकाका उपप्रमुख मीरा जोशीले नगर क्षेत्रभित्रको करको आधार फराकिलो पार्दै आन्तरिक राजश्व वृद्धि गर्न कर तथा गैरकर राजश्वको अधिकतम परिचालन गर्ने नीति लिइएको जानकारी दिनुभयो । उहाँका अनुसार आन्तरिक राजश्वतर्फ सम्पत्ति, मालपोत, घरबहाल, विज्ञान, व्यवसाय, मनोरञ्जन, प्राकृतिक स्रोतसाधन उपयोग करलगायतबाट रु नौ करोड २६ लाख ८८ हजार, शुल्कतर्फ सेवा, सवारी पार्किङ, सरसफाइ, शौचालय, बस्ती विकास, सम्पत्ति मूल्याङ्कन, अन्य प्रमाणित, स्थानीय वातावरण शुल्कबाट रु एक करोड ७८ लाख ७२ हजार, दस्तुरतर्फ दर्ता र नवीकरण, घरनक्शा, सिफारिस, नाता प्रमाणित, मिलापत्रबाट रु दुई करोड ६४ लाख ६० हजार, दण्डजरिवानाबाट रु दुई लाख, अन्यतर्फ घरभाडा, मेशिनरी उपकरण भाडा, लिलाम बिक्री, परीक्षा, विविध फाराम र अन्य विविध फारामबाट रु दुई करोड २७ लाख ८० हजार आम्दानी हुने अनुमान गरिएको छ । नगरपालिकाले गत आव २०७५÷७६ मा रु १४ करोड ४९ लाख ९३ हजार ७५ आन्तरिक आम्दानी गरेको छ । सोमध्ये स्थानीय करबाट रु आठ करोड ५० लाख २४ हजार १११, शुल्कबाट रु ५८ लाख ८३ हजार २९७, दस्तुरबाट रु दुई करोड ७९ लाख ३० हजार ७२९, दण्डजरिवानाबाट रु आठ लाख ९२ हजार ३८ र अन्यबाट रु दुई करोड ५२ लाख ६२ हजार ८९८ आम्दानी भएको नगरपालिकाले जनाएको छ । –––


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video