स्थानीय सरकार
Aug 15, 2018
डुंगाबाट खोला तर्दामा २५ रुपयाँ कर ! तरकारी, चटपटे, कुखुरा र अण्डा बेच्दामा समेत कर तिनुपर्ने, हेर्नुस के गर्दा कति कर ?
काठमाडौं । साउन ३० । कर उठाउने नाममा स्थानीय निकायले जनतामाथी चरम शोषण गर्ने निर्णयहरु गर्न थालेका छन् । कर उठाउने नाममा गाई भैसी देखि कुखुरा र अण्डामा समेत कर उठाउन नछाडने भएका हुन् । देशकै एउटा नगरपालीकाले खोला तर्दामा समेत कर लगाएपछि अहिले जनतामा आक्रोश बढेको छ । जनताको सेवा गर्नेछन भनेर आफैले भोट हालेर पठाएका जनताहरुले आफनो भाबना बिपरीत रातारात अलोकप्रिय निर्णयहरु गर्न थालेपछि जनतामा आक्रोश र निराशा छाएको छ । 
आक्रोश र निरासाका बिच कैलालीको धनगढी उपमहानगरपालिका र गोदावरी नगरपालीकाले दुनियाँलाईनै हसाउने गरी कर निर्धारण गरेको समाचार सार्वजनीक भएको छ । जस अनुसार खोलामा डुंगा तर्ने स्थानीयले अब उपमहानगरलाई कर तिर्नुपर्ने भएको छ । घाँस–दाउरा गर्न खहरे खोला तर्ने जनताबाट कर उठाउन उपमहानगरले ठेकेदारलाई जिम्मा दिएको छ । अब डुंगामा खोला तर्दा प्रतिव्यक्ति २५ रुपैयाँ, प्रतिसाइकलको १५, मोटरसाइकलको ३०, चौपायाको १५ रुपैयाँ र सामानको प्रतिबोरा १५ रुपैयाँ कर लिने गरी ठेक्का दिइएको छ ।
बर्खाको समयमा बाढी आउने ती खहरे खोलामा यसअघि स्थानीयले नै निजी डुंगा चलाउँथे । अब यसको आम्दानी उपमहानगरले लिने भएको छ । उपमहानगरपालिकाका लेखा अधिकृत लेखनाथ ओझाले एक खोला एक घाटको १२ हजार रुपैयाँमा ठेक्का भइसकेको र अरु प्रक्रियामा रहेको बताए । उपमहानगरपालिकाभित्र ३–४ वटा खोलाका एक दर्जन घाट छन, प्रत्येक घाटमा ठेकेदार परिचालन हुनेछन । यसरी सबै खोलाका सबै घाटमा उपमहानगरले डुंगा चलाए बढीमा एक लाख ४४ हजार हुन्छ । तर, यही आम्दानीका लागि पनि सर्वसाधारणबाट कर उठाउन थालिएको छ नयाँ पत्रिकामा उल्लेख गरिएको छ । 
त्यस्तै उपमहानगरपालिकाले कुखुरा र अन्डामा पनि कर लगाएको छ । चालू आर्थिक वर्षदेखि प्रतिगोटा कुखुरामा २० रुपैयाँ र अन्डामा १ रुपैयाँ कर तोकिएको छ । यसबाहेक कुखुरापालन व्यवसाय गरेबापत वार्षिक ५ हजारसम्म छुट्टै कर तिर्नुपर्ने व्यवस्था गरिएको छ ।  
त्यस्तै कैलालीको गोदावरी नगरपालिकाले चटपटे र बदाम बेच्नेसंँग दैनिक २० र आइसक्रिमको घुम्ती व्यापार गर्नेसँग ३० रुपैयाँ कर उठाउने निर्णय गरेको छ । त्यस्तै, हाटबजारमा तरकारी बेचेबापत किसानबाट मासिक ३ सय र ठेलामा तरकारी बेच्नसँग दैनिक १५ रुपैयाँ उठाइन थालिएको छ ।
 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video