सञ्चारमाध्यम जनताका पक्षमा उपयोग हुनुपर्छ ः उपसभामुख

राजनीति

Aug 16, 2018

सञ्चारमाध्यम जनताका पक्षमा उपयोग हुनुपर्छ ः उपसभामुख

काठमाडौँ, साउन ३१। उपसभामुख डा शिवमाया तुम्बाहाम्फेले सञ्चारमाध्यम जनताका पक्षमा उपयोग हुनुपर्ने बताउनुभएको छ ।

तेह्रथुमको आठराई सङ्क्रान्तिस्थित सामुदायिक रेडियो आठराईको अनलाइन संस्करण काठमाडौँमा आज शुभारम्भ गर्दै उपसभामुख डा तुम्बाहाम्फेले जनताको चेतना अभिवृद्धि गर्न सञ्चारमाध्यमले सहयोगी भूमिका खेल्ने बताउनुभयो ।

“जनताको चेतना वृद्धि गर्न सञ्चारमाध्यमले धेरै मद्दत पुग्छ”, उहाँले भन्नुभयो, “जनतालाई केन्द्रबिन्दुमा राखेर सञ्चारमाध्यमले सूचना दिनुपर्छ ।” समाजमा नकारात्मक मात्रै होइन सकारात्मक क्रियाकलाप पनि हुने उल्लेख गर्दै उपसभामुख डा तुम्बाहाम्फेले त्यस्ता विषयवस्तुमा कलम चलाउन सञ्चारकर्मीलाई आग्रह गर्नुभयो ।

संसद्ले धेरै कानूनलाई टुङ्गोमा लगिरहेको बताउँदै उपसभामुखले महिला, अल्पसंख्यक र पछाडि पारेको समुदायका पक्षमा कानून निर्माण हुनेमा ढुक्क रहन अपिल गर्नुभयो । कार्यक्रममा पूर्वराज्यमन्त्री सीता गुरुङ, प्रतिनिधिसभाका सांसद भवानी खापुङलगायतले रेडियोको सफलताको शुभकामना दिनुभयो ।

प्रतिक्रियाहरु

अरु समाचारहरु

जनमत

पछिल्लो समयमा अख्तियारले भ्रष्टाचार नियन्त्रणमा देखाएको प्रयासलाई के भन्न सकिन्छ ?

सराहनीय प्रयास
चर्चा बटुल्ने बाटो
साँच्चैनै सुधारको निम्तीको प्रयास

अनलाईन रेडियो

अनलाइन राष्टिय दैनिकहरु

प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा	[Reload Image]