नुवाकोटको घ्याङफेदीमा आइचर दुर्घटना, दुई दर्जन बढीको मृत्यु भएको आशंका, प्रहरी घटना स्थलमा पुग्दै  |  नुवाकोटमा केहि बेर अघि आईचर दुर्घटना केही मानिसको मृत्यु भएको आसंका, प्रहरी घटना स्थलमा पुग्दै  |  ‘हरि जीव सत्य धर्म’का गुरुको आह्वान ः ‘विश्वमा शान्ति कायम गरौं’  |  मानवअधिकार संरक्षणमा नेपाल प्रहरीको सक्रियता  |  २५ हजारले लिए टोल फ्रि हेल्पलाइनको सेवा  |  अध्यादेश नसच्याइए आन्दोलनमा उत्रिने प्राविधिक कर्मचारीहरुको चेतावनी  |  सेनाको साँढे दुई अर्बको ठेक्का सेटिंग मिलाएर ठेकेदार लोकेन्द्रको कव्जामा  |  पाल्पामा भयानक जिप दुर्घटना ५ जनाको मृत्यु, ४ घाइते  |  सरकारद्वारा साना किसानको एक अर्ब भन्दा बढी ऋण मिनाह  |  ‘स्मार्ट हेल्थ युनिट’ स्वास्थ्य मन्त्रालयबाट गायव
राजनीति
Aug 24, 2018
बिम्स्टेक सम्मेलन सदस्य राष्ट्रका समस्या समाधानमा सहयोगी हुने विश्वास
 काठमाडौँ  भदौ  । सरकारले बहुक्षेत्रीय प्राविधिक तथा आर्थिक विकासका लागि बंगालको खाडीको प्रयास (बिम्स्टेक) को चौथो शिखर सम्मेलन सदस्य देशका समसामयिक विषयवस्तुलाई उपयुक्त ढंगले सम्बोधन गर्न सहयोगी हुने विश्वास व्यक्त गरेको छ । 

सरकारले बिम्स्टेकलाई दक्षिण र दक्षिणपूर्वी एशियासँग जोड्ने गतिशील संगठनका रुपमा विकास गर्नु नै बिम्स्टेक क्षेत्रका जनताको हितमा हुने जनाएको छ । 

दक्षिण एशियाली अध्ययन केन्द्रले आज राजधानीमा आयोजना गरेको ‘दक्षिण र दक्षिणपूर्वी एशिया जोड्ने बिम्स्टेक’ विषयक छलफल कार्यक्रममा परराष्ट्रमन्त्री प्रदीपकुमार ज्ञवालीले बिम्स्टेकलाई कार्यान्वयन गर्न सकिने संस्थाका रुपमा विकास गर्न सबै सदस्य देशको एकीकृत प्रयास हुनुपर्नेमा जोड दिनुभयो । 

उहाँले भन्नुभयो, “निर्णय भइसकेका विषयलाई कार्यान्वयन गरेरै छाड्नुपर्छ, बिम्स्टेक प्रक्रियालाई अझ प्रभावकारी रुपमा अघि बढाउन ठोस प्रयास हुनुपर्छ र त्यसतर्फ हाम्रा प्रतिबद्धता केन्द्रित हुनैपर्छ ।” 

परराष्ट्रमन्त्री ज्ञवालीले बितेका २० वर्षमा बिम्स्टेकले यस क्षेत्रका जनताका आकांक्षाअनुरुप काम गर्न नसकेको स्वीकार गर्दै अब उनीहरुकै निम्ति व्यापार तथा पारवहन सुविधा, भौतिकरुपमा सम्पर्क एवं सम्बन्ध स्थापना, पूर्वाधार र स्वतन्त्र व्यापार क्षेत्रलाई साकार पार्नुपर्ने बताउनुभयो । 

पूर्वपरराष्ट्रमन्त्री प्रकाशशरण महतले बिम्स्टेकलाई प्रभावकारी सङ्गठनका रुपमा विकास गर्न व्यापार, लगानी, पर्यटन, विद्युत् प्रसारण लाइन तथा भौतिक सम्पर्क र सम्बन्ध कायम गरेर मात्र सम्भव हुने बताउनुभयो । 

अर्का पूर्वपरराष्ट्रमन्त्री रमेशनाथ पाण्डेले बिम्स्टेक नेपालको कूटनीतिक क्षमता, प्रदर्शन गर्ने अवसर मात्र नबनेर त्यसले बाह्य विश्वसँगको नेपालको परिचय र पहिचान बढाउने बताउँदै अन्तर्राष्ट्रिय सम्बन्धलाई क्षेत्रीय तहमा उजागर गर्न सम्मेलन फलदायी हुने विश्वास व्यक्त गर्नुभयो । 

पूर्वपरराष्ट्र सचिव मधुरमण आचार्यले बिम्स्टेकका सातवटै मुलुक प्राचीन बौद्ध सम्पदाले भरिपूर्ण भएकाले बौद्ध परिपथका माध्यमबाट पर्यटन प्रवद्र्धन गर्न सकिने बताउँदै लगानी र व्यापार बढाउन भारत र थाइल्याण्डजस्ता आर्थिकरुपले सम्पन्न देशले सघाउनुपर्ने विचार व्यक्त गर्नुभयो । 

पूर्वराजदूत दिनेश भट्टराईले संविधानसभाले नयाँ संविधान जारी गरी सोहीअनुरुप तीनवटै तहका निर्वाचन सम्पन्न भएपछि गठन भएको वर्तमान सरकारका परराष्ट्र नीतिका विषय मुखरित गर्ने उपयुक्त माध्यम बिम्स्टेक हो भन्दै परराष्ट्र नीतिप्रति नेपाल र नेपालीको मतैक्यता रहेको सन्देश सम्मेलनले प्रवाह गर्ने बताउनुभयो । 

केन्द्रका कार्यकारी निर्देशक निश्चलनाथ पाण्डेको सभापतित्वमा कार्यक्रम सम्पन्न भयो । 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video