पर्यटन /बिबिध समाचार
Jun 06, 2019
नुवाकोट गोल्ड कपः नुवाकोट–११ विजयी
विदुर,जेठ  २३आजदेखि शुरु भएको ‘दोस्रो नुवाकोट गोल्ड कप फुटबल प्रतियोगिता’मा घरेलु टोली नुवाकोट–११ विजयी भएको छ । बट्टार बहुमुखी क्याम्पसको मैदानमा भएको उक्त खेलमा नुवाकोट–११ ले काठमाडौँको दिपशिखा युवा समूहलाई ५–० गोलले पराजित गरेको हो । नुवाकोट–११ का लागि विश्वास श्रेष्ठले ह्याट्रिक गरेका थिए । उनले खेलको १०औँ र ३४औँ मिनेट तथा मध्यान्तरपछि गोल गरेका थिए । यस्तै नुवाकोट–११ का लागि ३८औँ मिनेटमा प्याट्रिक तथा मध्यान्तरपछि दिनेश राजवंशीले गोल गरेका थिए । नुवाकोट–११ का विश्वास श्रेष्ठ म्यान अफ दी म्याच घोषित भए । उनले रु १० पुरस्कार प्राप्त गरे । जिल्ला खेलकूद विकास समिति नुवाकोट र नुवाकोट फुटबल सङ्घको आयोजनामा भएको प्रतियोगितामा नुवाकोट–११ सहित विभागीय टोली नेपाल पुलिस क्लब, सशस्त्र प्रहरी बलको एपिएफ क्लब र त्रिभुवन आर्मी क्लबले सहभागिता जनाएका छन् । यस्तै मनाङ, सङ्कटा, च्यासल युथ क्लब, चितवन–११, विजय युथ हेटौँडा र काठमाडौँको दिपशिखा युवा समूह सहभागी छन् । प्रतियोगिताको विजेताले रु छ लाख तथा उप–विजेताले रु तीन लाख पुरस्कार प्राप्त गर्नेछन् । प्रतियोगिता यही जेठ ३१ गतेसम्म सञ्चालन हुने जिल्ला फुटबल सङ्घका उपाध्यक्ष उद्धव पनेरुले जानकारी दिनुभयो । –––


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video