सरकार सहि गतिमा अगाडि बढिरहेको छ ः मन्त्री अर्याल  |  तीनै तहका सरकारबीच समन्वय र सहकार्य आवश्यक  |  मिनीसडक महोत्सव असोज १० मा  |  आज मिति २०७६ असोज ६ गते सोमबार तपाँईको दिन कस्तो रहने छ ? हेरौ राशिफल  |  गैरआवासीय नेपाली संघ दक्षिण कोरीयाको अध्यक्षमा यज्ञराज सुवेदी बिजयी, कार्यसमितिमा को को भए बिजयी ?  |  कृषि तथा भेटेरिनरी प्राविधिकहरुद्धारा आन्दोलनका कार्यक्रम घोषणा  |  प्रेस काउन्सीलको बार्षिकोत्सबको अवसरमा २५ पत्रकार र तिन कर्मचारी पुरस्कृत हुंदै, कस्ले के पुरस्कार पाँउदै छन ?  |  चाडपर्वको बेला पर्याप्त सुरक्षा मिलाउन गृहमन्त्रीको निर्देशन  |  बासुकीनाग टोलसुधार समितिको सातौं साधारणसभा सम्पन्न, पाठक नेतृत्वको कार्यसमितिलाई निरन्तरता दिने निर्णय  |  ‘प्रधानमन्त्री राष्ट्रिय प्रतिभा पुरस्कार–२०७५’ डा रुइतलाई
अर्थतन्त्र/सेयरबजार
Jun 20, 2019
नेप्सेमा छ अङ्कको बृद्धि
काठमाडौँ,असार ५ ।  लगातार ओरालो लाग्दै आएको धितोपत्र बजारमा कारोबार मापक नेप्से परिसूचक उकालो लागेको छ । आगामी आर्थिक वर्षको बजेट वक्तव्य सार्वजनिक भएदेखि नै ओरालो लागेको परिसूचक आज भने करीब ६ अङ्कले वृद्धि भएको छ । नेपाल स्टक एक्सचेञ्जका अनुसार कारोबार मापक नेप्से परिसूचक ५.९० अङ्कले बढेर एक हजार २६४.३६ बिन्दुमा पुगेको छ । यस्तै ठूला कम्पनीका कारोबार मापन गर्ने सेन्सेटिभ परिसूचक १.०८ अङ्कले वृद्धि भई २७१.६० बिन्दुमा पुगेको छ । परिसूचक उकालो लागेपनि कारोबार रकम भने सस्तैमा समेटिएको छ । कूल १७१ कम्पनीका १३ लाख ७५ हजार ५४१ कित्ता शेयर रु ३७ करोड ५३ लाख १५ हजार २०४ मा खरिद बिक्री भए । स्टकका अनुसार कारोबार भएका कूल ११ उपसमूहमध्ये तीन उपसमूहको शेयर घटेको छ । वित्त ०.३९, निर्जीवन बीमा ७.६६ र उत्पादन १२.८८ अङ्कले घटेका छन् । लघुवित्त र होलट उपसमूहका शेयरमा भएको वृद्धिले बजारमा सकारात्मक प्रभाव परेको हो । यस्तै बैंकिङ ६.९, होटल ८.४४, विकास बैंक ५.०१, जलविद्युत् ७.०४, अन्य ४.२६, लघुवित्त १३.६८, जीवन बीमा ३.५८ र सामूहिक लगानी कोष ०.०२ अंकले वृद्धि भएको छ । स्टकका अनुसार आज कारोबारका आधारमा शिवम् सिमेन्ट अग्रस्थानमा रह्यो । सो कम्पनीको रु तीन करोड तीन लाख १३ हजार २९९, नेपाल क्रेडिट एण्ड कमर्सियल बैंक रु दुई करोड ६४ लाख दुई हजार ६५५, नेपाल बैंक लिमिटेड रु दुई करोड ४० लाख १२ हजार २५४, प्रभु बैंक रु एक करोड ९८ लाख पाँच हजार ७०१, मेगा बैंक एक करोड ६६ लख ४३ हजार ३२३ र एनआइसी एसिया बैंकको रु एक करोड ४२ लाख ७३ हजार ७७५ मा खरिद बिक्री भई शीर्ष स्थानमा रहे । बढेको बजारमा रिलायन्स फाइनान्सका शेयरधनीले ५.२६, कर्पोरेट डेभलपमेन्ट बैंक ३.२२, गुराँस लाइफ इन्स्योरेन्स २.१७, युनिलिभर नेपाल १.९९ र सिटिजन म्युचुअल फण्डका लगानीकर्ताले १.९३ प्रतिशतले गुमाए । यस्तै गुराँस लघुवित्त वित्तीय संस्थाका शेयरधनीले ९.८७ प्रतिशतले कमाए । मल्टीप्रपोज फाइनान्स ९.७७, खानीखोला हाइड्रोपावर ७.३५, स्वदेशी लघुवित्त वित्तीय संस्था ६.०३, एनएमबी माइक्रोफाइनान्स वित्तीय संस्था ५.८९ र पाँचथर पावर कम्पनीका शेयरधनीले ५.८० प्रतिशतले कमाए । तीन कम्पनीका शेयर सूचीकृत नेपाल स्टक एक्सचेन्ज लिमिटेडम आज विभिन्न तीन कम्पनीका शेयर सूचीकृत भएका छन् । मेरो माइक्रोफाइनान्स वित्तीय संस्थाको ३२ लाख ८९ हजार कित्ता हकप्रद शेयर सूचीकृत भएको छ । यस्तै मिथिला लघुवित्त वित्तीय संस्थाको तीन लाख २९ हजार ८८९ कित्ता हकप्रद शेयर सूचीकृत भयो । स्टकमा जेविल्स फाइनान्स लिमिटेडका तीन लाख ४० हजार ९५५ कित्ता हकप्रद र तीन लाख ८९ हजार २८१ कित्ता शेयर लाभांश सूचीकृत भएको छ ।


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video