प्रमुख समाचार
Sep 13, 2019
चीन र भारत विश्वासिला विकास साझेदारः मन्त्री ज्ञवाली
बुटवल, भदौ २७  ।  परराष्ट्रमन्त्री प्रदीपकुमार ज्ञवालीले चीन र भारत नेपालका विश्वाशिला विकास साझेदार बन्दै गएको बताउनुभएको छ । प्रेस सङ्गठन नेपालले आज बुटवलमा आयोजना गरेको पत्रकार भेटघाटमा उहाँले नेपालसँग अन्तरदेशीय सम्बन्ध सुमधुर बन्दै जाँदा दुबै छिमेकी देशको नेपालप्रतिको रुचि र आकर्षण पनि बढ्दै गएको बताउनुभयो । यसैसाता नेपाल र भारतका प्रधानमन्त्रीबाट संयुक्त रुपमा भएको पेट्रोलियम पाइपलाइनको उद्घाटन, केही दिनअघि चिनियाँ विदेशमन्त्री र भारतीय विदेशमन्त्रीको नेपाल भ्रमणका कारण चीन र भारतसँगको सम्बन्ध सुमधुर बनेको मन्त्री ज्ञवालीले बताउनुभयो । उहाँले चिनियाँ समकक्षीको नेपाल भ्रमणका बेला भएको छलफलमा चिनियाँ राष्ट्रपतिको नेपाल भ्रमण उपयुक्त रहेको र नेपाली जनता चिनियाँ राष्ट्रपतिको स्वागत गर्न उत्सुक रहेको बताउनुभयो । उपयुक्त समयमा चिनियाँ उच्चस्तरीय राजनीतिक तहबाट नेपालको भ्रमण हुने चिनियाँ समकक्षीले विश्वास दिलाउनुभएको मन्त्री ज्ञवालीले जानकारी दिनुभयो । मन्त्री ज्ञवालीले भारतसँगको सीमा समस्या समाधानका लागि प्रबुद्ध समूहले प्रतिवेदन बुझाउने क्रममा रहेको र सरकार सीमा निर्धारण तथा सीमा स्तम्भलाई व्यवस्थित गर्ने प्रयासमा रहेको बताउनुभयो । उहाँले भन्नुभयो, “जनताको सहज आवागमन अवरुद्ध नहोस्, अवाञ्छित तत्वले गतिविधि पनि गर्न नसकून भन्ने हो ।” उहाँले वर्तमान सरकारले धेरै राम्रा काम गरेको भए पनि जनताको अपेक्षा धेरै भएका कारण अझै अपेक्षा पूरा हुन नसकेको तर भ्रष्टाचार नियन्त्रणमा सरकार निर्मम बनेको बताउनुभयो । पार्टी एकीकरणका आधारभूत काम सम्पन्न भएकाले अब पार्टी र सरकारले गरेका राम्रा काम जनताका बिचमा पु¥याउने अभियान थालिने मन्त्री ज्ञवालीले बताउनुभयो । मुलुकले गत आर्थिक वर्षमा सात दशमलब एक प्रतिशत आर्थिक वृद्धिदर हासिल गर्न सफल भएकाले पनि यसले सरकार सही दिशामा रहेको स्पष्ट हुने उहाँको भनाइ थियो । विकासोन्मुखबाट विकासशील बन्दै गएको नेपाललाई सन् २०३० सम्ममा मध्यम आय भएको मुलुकको रुपमा पु¥याउने लक्ष्य रहेको मन्त्री ज्ञवालीले बताउनुभयो । –––


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video