प्रमुख समाचार
Oct 02, 2019
पत्रकारले राष्ट्रिय एकताका लागि कलम चलाउनुपर्छ : नेता श्रेष्ठ
हेटौँडा, असोज १५ ।  नेपाल कम्युनिष्ट पार्टीका प्रवक्ता नारायणकाजी श्रेष्ठले नेपाली पत्रकारिता क्षेत्रले राष्ट्रिय एकताका लागि कलम चलाउनु पर्ने बताउनुभएको छ । आज हेटौँडा आउनुभएका नेता श्रेष्ठले स्थानीय पत्रकारहरुसँगको भेटघाटका अवसरमा बहुजाति, बहुभाषी नेपाली समाजलाई समृद्ध बनाउन सञ्चार जगत्को योगदान रहनुपर्ने धारणा राख्नुभयो । प्रवक्ता श्रेष्ठले सरकारको कमीकमजोरीहरु देखाउने, खबरदारी गर्ने तथा कतिपय अवस्थामा उजागरसमेत गर्ने काम पत्रकारहरुको भएको उल्लेख गर्नुभयो । उहाँले नेताहरुको महत्वविहीन भनाइलाई भन्दा पनि जनताका वास्तविक मुद्दाहरुलाई समाचार बनाउन अनुरोध गर्नुभयो । पूर्वउपप्रधानमन्त्रीसमेत रहनु भएका नेता श्रेष्ठले नेपाली प्रेसले देशको व्यवस्था परिवर्तनमा महत्वपूर्ण भूमिका खेलेको बताउँदै सूचना प्रविधिको प्रयोग गरेर जनतालाई सुसूचित गर्दै समाजको सकारात्मक परिवर्तनमा योगदान दिन अनुरोध गर्नुभयो । देशमा जनताको आवश्यकताअनुसारको राजनीतिक परिवर्तन भएको र देशले राजनीतिक निकास प्राप्त गरेको बताउँदै नेता श्रेष्ठले राजनीतिक परिवर्तनको उपलब्धिलाई संरक्षण गर्दै आर्थिक समृद्धिको यात्रामा लैजान सञ्चार क्षेत्रले भूमिका खेल्नुपर्ने धारणा राख्नुभयो । पत्रपत्रिकाले राजनीतिक विषयवस्तुलाई मात्र समाचारको रुपमा प्रस्तुत नगरेर नेपालको कृषि, उद्योग, पर्यटन, खेल, कलाजस्ता विषयवस्तुलाई समाचार बनाएर प्रकाशन तथा प्रसारण गर्नुपर्ने उहाँको धारणा थियो । प्रवक्ता श्रेष्ठले विज्ञान र प्रविधिको विकासलाई सदुपयोग गरी सञ्चार क्षेत्रले आम नागरिकलाई सुसूचित गर्नुपर्दछ भन्नुभयो । –––


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video