मनमुरी कृषि सहकारीको साधारणसभा सम्पन्न  |  जिपी कोइराला फाउण्डेसन नुवाकोटद्धारा गिरिजाप्रसाद कोइराला कल्याणकारी कोष र पत्रकारीता पुरस्कारको स्थापना  |  एउटाको अपराधको सजाय अर्कोलाई नदिन माग  |  सभापति देउवा र वरिष्ठ नेता पौडेलबीच १४औँ महाधिवेशन बारे छलफल  |  द्रुतमार्ग निर्माणको काम द्रुत गतिमा अघि बढाउँदै नेपाली सेना  |  साताको शेयर बजार : दुई अर्ब ५६ करोडको कारोवार  |  व्यवसायीहरुले गुणस्तरीय काम गर्नुपर्छ : मन्त्री पोखरेल  |  अन्तर्वार्ता : अब आर्थिक समृद्धिको प्रमुख जग पर्यटन– मन्त्री भट्टराई  |  धनुषा विस्फोट : अपराधीलाई कारवाही गरिछाड्ने गृहमन्त्रीको प्रतिबद्धता  |  ह्याचरी उद्योग सङ्कटमा, १० दिनसम्म चल्ला उत्पादन बन्द
सेना/ प्रहरी/ शशस्त्र समाचार
Nov 29, 2019
नेपाली सेनाद्वारा सामुदायिक विपद् प्रतिकार्य तालीम
दमौली, मङ्सिर १३ विपद् परेको अवस्थामा समुदायमा रहेका साधारण जनतालाई प्रयोग गरी घाइतेको उद्धार गर्न दक्ष बनाउने उद्देश्यसहित कृष्णदल गण चापाघाट व्यारेकले विपद् प्रतिकार्य तालीम प्रदान गरेको छ । कृष्णदल गणले चार वटा विपद्का घटनालाई प्राथमिकतामा राखेर सामुदायिक विपद् प्रतिकार्य तालीम प्रदान गरेको हो । सडक दुर्घटना, बाढीपहिरो, भूकम्प र आगलागीका घटना न्यूनीकरणका लागि स्थानीय समुदायको सहभागिता वृद्धि गर्न जिल्लाका सात स्थानीय तहका २० जनालाई विपद् प्रतिकार्य तालीम प्रदान गरिएको कृष्णदल गणका गणपति प्रमुख सेनानी अनन्तबहादुर सिंहले जानकारी दिनुभयो । तालीममा व्यास नगरपालिकाबाट छ, शुक्लागण्डकी नगरपालिका, भीमाद नगरपालिका, आँबुखैरेनी गाउँपालिका, बन्दीपुर गाउँपालिका, देवघाट गाउँपालिका, म्याग्दे गाउँपालिकाबाट दुई÷दुई जनाको सहभागिता रहेको थियो । जिल्लाको प्राकृतिक बनाटवलाई मध्यनजर गरेर चार वटा प्याकेजमा तालीम सञ्चालन गरिएको प्रमुख प्रशिक्षक भरत पुलामी मगरले जानकारी दिनुभयो । उहाँका अनुसार पहिलो दिन सडक दुर्घटनाका घाइतेलाई उद्धार, दोस्रो दिन आगलागी नियन्त्रण, तेस्रो दिन भूकम्पका घाइतेको उद्धार, खोचमा खसेका घाइतेको उद्धार र चौथो दिन बाढीपहिरोबाट बगाएका घाइतेलाई उद्धारका बारेमा सिकाइएको थियो । गाउँ–ठाउँमा उपलब्ध स्रोतसाधन प्रयोग गरेर बनाइएको उद्धार सामग्री प्रतिकार्य तालीममा प्रयोग गरिएको थियो । ड्रम, म्याट र बोतलबाट बनाइएको उद्धार सामग्रीलाई प्रतिकार्य तालीममा प्रयोग गरी सिकाइएको प्रशिक्षक मगरले बताउनुभयो । “ड्रमबाट बनाइने उद्धार सामग्री बढी खर्च लाग्ने भए पनि भरपर्दो हुन्छ,” उहाँले भन्नुभयो, “म्याट र बोतलबाट बनाइने सामग्री भने व्यक्तिगत रुपमा पनि निर्माण गर्न सकिन्छ ।” तालीमको अन्तिम दिन बिहीबार व्यास नगरपालिका–५ स्थित मादी नदीमा तालीमको प्रदर्शन गरियो । सो अवसरमा व्यास नगरपालिकाका प्रमुख वैकुण्ठ न्यौपानले विपद्को अत्यन्तै जोखिममा रहेको यहाँ हुन सक्ने मानवीय क्षति न्यूनीकरणका लागि पूर्वतयारी गर्नुपर्नेमा जोड दिनुभयो । विपद्मा घटना न्यूनीकरणका लागि मानसिकतादेखि नै तयार रहनुपर्ने अहिलेको मुख्य आवश्यकता रहेकोमा जोड दिँदै न्यौपानेले भन्नुभयो, “नागरिकस्तरबाट पनि विपद्को पूर्व तयारीका लागि तयार हुनुपर्छ ।” विपद्को पूर्वतयारीका लागि नगरपालिकाले चालू आर्थिक वर्षमा रु १५ लाख बजेट विनियोजन गरेको र आगामी वर्ष त्यसलाई वृद्धि गर्दै लगिने उहाँले बताउनुभयो । प्रमुख जिल्ला अधिकारी एवं दैवी प्रकोप उद्धार समितिका अध्यक्ष रुद्रप्रसाद पण्डितले विपद् प्रतिकार्यका लागि स्थानीय तहले चासो नदेखाएको बताउनुभयो । प्रत्येक स्थानीय तहले विपद् न्यूनीकरणका लागि सामग्री खरीद गरेर राख्नुपर्नेमा जोड दिँदै उहाँले भन्नुभयो, “सडक दुर्घटना, आगलागी, भूकम्प र बाढीपहिरोबाट हुन सक्ने विपद्का घटनामा उद्धारका लागि उद्धारकर्ता तयार गर्न गरिएको तालीम प्रभावकारी हुनुपर्छ ।” –––


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video