धर्म/संस्कृति
Dec 07, 2019
आर्थिक अभावमा रामजानकी मन्दिर निर्माण कार्य रोकियो
बेझाड, मङ्सिर २१ रामपुर नगरपालिकामा निर्माणधिन रामजानकी मन्दिरको कार्य बीचमै रोकिएको छ । प्रसिद्ध धार्मिक नगरी जनकपुरको झल्को दिन ठूलो लगानीमा बनाउन थालिएको मन्दिरको निर्माण कार्य गत असोजदेखि रोकिएको छ । निर्माण गर्दै जाँदा आर्थिक समस्या परेपछि केही समयका लागि काम रोकेर आर्थिक स्रोत जुटाउन समिति लागेको रामजानकी मन्दिर विकास परिषद् रामपुरका अध्यक्ष फणेश्वर गौतमले बताउनुभयो । “रकम धेरै लाग्ने सानासाना बजेटले काम गर्न नसकिने, विभिन्न क्षेत्रबाट रकम निकासा गरेर छिट्टै नै निर्माण कार्य सञ्चालन गर्नेछौँ”, अध्यक्ष गौतमले भन्नुभयो । यस आर्थिक वर्षमा नगरपालिकाले निर्माणका लागि रु पाँच लाख बजेट विनियोजन गरे पनि मन्दिरको छानो छाउने कामका लागि त्यो रकम पर्याप्त नभएकाले अन्य स्रोत खोजेर छानो छाउने र त्यसको लागि रकम व्यवस्थापन कार्यमा लागेको उहाँले बताउनुभयो । विसं २०७२ को कात्तिकबाट अनुमानित करिब १० करोडको लागतमा पाल्पाको ऐतिहासिक पक्षलाई मध्यनजर गर्दै छत्रशैली र गुम्बाशैली आकारमा जनकपुरको झझल्को दिने गरी निर्माण कार्य शुरु भएको हो । चार तलाको मन्दिर, सत्तल, दुई वटा भवनसहितको सुविधा सम्पन्न मन्दिर निर्माण गर्ने योजनाका साथ काम थालनी गरिएको हो । हाल ५० प्रतिशत काम सम्पन्न भइसकेको छ । रामपुर क्षेत्रलाई धार्मिक नगरिका रुपमा विकास गरी जनकपुरधामको झल्को दिलाउन ठूलो लगानीमा मन्दिर निर्माण हँुदैछ । पौराणिक समयमा भगवान रामचन्द्र बनवास जाने क्रममा मुक्तिनाथबाट घुम्दै आउँदा रामपुरमा आएर बसोबास गरेको इतिहास छ । यहाँ रामचन्द्रले बसोबास गरेको हुँदा यस क्षेत्रको नाम रामपुर रहन गएको बूढापाका बताउँछन् । रामचन्द्रले रामपुर नगरपालिका–५ को बेझाड बजार नजिकै भात पकाइ खाएको रामचुलो राममन्दिर परिसरमा धार्मिक तथा ऐतिहासिक महत्वलाई बचाइ राख्न रामपुरवासीले रामजानकी मन्दिर निर्माण गर्न कस्सिएका हुन् । ऐतिहासिक महत्वसँग जोडिएको यस रामचुलोको प्रवद्र्धन र संरक्षण गर्ने उद्देश्यले यहाँका स्थानीयवासी र सरोकारवाला निकायको सहयोगमा यसलाई धार्मिक तथा पर्यटकीय क्षेत्रको रुपमा विकास गर्नका लागि मन्दिर निर्माण शुरु भएको हो । रामचुलोको ऐतिहासिक तथा धार्मिक महत्वलाई जोगाइ राख्न यहाँका स्थानीयवासीको पहलमा २०७१ माघमा श्रीमद्भागवत धनधान्याञ्चल ज्ञान महायज्ञ सञ्चालन गरिएको थियो । सो महायज्ञबाट रु दुई करोड ४२ हजार नगद तथा जिन्सी रकम सङ्कलन गरी मन्दिर निर्माण कार्य थालनी गरिएको समितिका सचिव गुरुप्रसाद रेग्मीले जानकारी दिनुभयो । मन्दिर निर्माणका लागि अहिलेसम्म रामपुर नगरपालिकाबाट रु ११ लाख, साविक जिल्ला विकास समिति पाल्पाबाट रु दुई लाख, स्थानीय विकास मन्त्रालयबाट रु पाँच लाख र प्रदेश सरकारबाट रु १० लाख सहयोग रकम प्राप्त भएको छ । हालसम्म मन्दिर निर्माण कार्यमा रु एक करोड ५० लाख बढी रकम खर्च भइसकेको छ । मन्दिरको कोषमा प्राप्त बजेट नहँुदा निर्माण कार्यलाई दु्रत गतिमा अगाडि बढाउन सकिएको छैन । योजना ठूलो रकम सानो हुँदा निर्माण कार्यमा ढिलाइ हुन पुगेको समितिले जनाएको छ । रामपुर नगरपालिकामै धार्मिक क्षेत्रमा ठूलो योजनाका रुपमा निर्माण भएको रामजानकी मन्दिर पहिलो हो । यस मन्दिरको निर्माण कार्यमा रामपुरवासीले चासो र महत्वका साथ लिएका छन् तर योजना ठूलो भएकाले निर्माणमा आर्थिक समस्याले सताइरहेको समितिका सहसचिव मिनराज रेग्मीले बताउनुभयो । मन्दिरको स्वामित्वमा रहेको करिब चार रोपनी क्षेत्रफलमा मन्दिर निर्माण भइरहेको छ । –––


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video