चन्द्रागिरि नगरपालिकाको प्रमुख प्रशासकीय अधिकृतमा आचार्य

काठमाण्डौं । चन्द्रागिरि नगरपालिकामा प्रमुख प्रशासकीय अधिकृत निरज पौडेलको सरुवा भएको छ । नगरपालिकामा १९ महिना कार्यभार सम्हाल्नु भएको पौडेलको रामेछाप जिल्लाको रामेछाप नगरपालिकामा सरुवा भएको हो । सरुवा हुनभएका प्रमुख प्रशासकीय अधिकृत पौडेललाई भाद्र २७ गते नगरपालिकाका मेयर घनश्याम गिरी सहित जनप्रतिनिधि र कर्मचारीहरुले भव्य विदाई गरेका छन् ।

त्यस्तै चन्द्रागिरि नगरपालिकामा सरुवा भई प्रमुख प्रशासकीय अधिकृतको रुपमा आउनु भएका प्रमुख प्रशासकीय अधिकृत जीवन प्रसाद आचार्यलाई नगरपालिकामा स्वागत गरिएको छ । नगरपालिकाको सभाहलमा हिजो आयोजना गरिएको कार्यक्रममा आचार्यको स्वागत गदै कार्यकाल सुखद रहोस भनि कामना गरिएको थियो ।

cf