अन्तर्राष्ट्रिय अपांगता दिवसको अवसरमा तारकेश्वरमा उपप्रमुख अर्यालको सहभागीतामा प्रभातफेरी आयोजना, मेयरद्धारा सुभकामना व्यक्त

रबिन थपलिया । काठमाण्डौं । अपाङ्गता भएका व्यक्तिको ३१ औँ अन्तर्राष्ट्रिय दिवस नेपालभर बिभिन्न कार्यक्रमहरुको आयोजना गदै मनाइएको छ ।
“समावेशी विकासका लागि रुपान्तरित समाधानः पहुँचयुक्त र समतामूलक विश्वका लागि ऊर्जावान सृजनशीलताको प्रावधान” भन्ने नारा सहित देशैभरका अपांगता भएका व्यक्तिहरुले यो दिवस मनाएका छन् ।
यसै क्रममा तारकेश्वर नगरपालिकाले पनि अपाङ्गता भएका व्यक्तिको ३१ औँ अन्तर्राष्ट्रिय दिवसको अवसरमा नगरपालिका भित्र बसोबास गर्ने अपांगता भएका व्यक्तिहरुको सहभागतिामा अपांगता दिवसको विशेष कार्यक्रम आयोजना गरेको छ ।

अपांगता दिवसको अवसरमा प्रतिकृया दिंदै तारकेश्वर नगरपालिकाका नगरप्रमुख कृष्ण हरि महर्जनले अपांगता भएका व्यक्तिहरुलाई सम्मानपुर्वक जीवन यापनका निम्ती नगरपालिकाले अविभावकत्व निर्वाह गर्ने बताँउदै अपांगता दिवसको सुभकामना व्यक्त गर्नुभयो । नगरपालिकाबाट प्राप्त हुने तलब र सुविधा आफुले नलिई सामाजीक काममा खर्च गर्ने घोषणा गर्नुभएका नगरप्रमुख महर्जनले यस अघि दशैंको अवसरमा अपांगता भएका व्यक्तिहरुलाई खाध्यान्न र आर्थिक सहयोग समेत उपलव्ध गराउनुभएको थियो ।
अपांगता दिवसको अवसरमा तारकेश्वर नगरपालिकाको महिला तथा बालवालिका विकास शाखाको आयोजनामा जरङखु देखी तारकेश्वर वडा नं ४ को कार्यालय सम्म प्रभातफेरी कार्यक्रम गरिएको छ । प्रभातफेरी कार्यक्रममा नगर उपप्रमुख सृजना बुर्लाकोटी अर्याल, तारकेश्वर नगरपालिका ६ का अध्यक्ष घनश्याम श्रेष्ठ, वडा सदस्य रामचन्द्र अर्याल, बिभिन्न संघ संस्थाबाट प्रतिनिधित्व गरेका अपांगता भएका व्यक्तिहरु, सुरक्षाकर्मीहरु, नगरपालिकाका कर्मचारीहरु सहभागी भएका थिए ।

व्यानर, प्लेकार्ड सहित प्रभातफेरीमा सहभागी अपांगता भएका व्यक्तिहरुले नारावाजी गरेका थिए ।
तारकेश्वर नगरपालिका ४ को वडा कार्यालय प्राङगणमा पुगेर समापन भएको कार्यक्रममा अपांगता भएका व्यक्तिहरुले गित, नाँच, सडक नाटक र मनोरञ्जनात्मक कार्यक्रम गरेको शाखाकी प्रमुख प्रतिमा मिश्रले जानकारी दिनुभयो ।
समापन कार्यक्रमलाई सम्बोधन गदै तारकेश्वर नगरपालिकाकी उपप्रमुख सृजना बुर्लाकोटी अर्यालले अपांगता भएका व्यक्तिहरुलाई स्वालम्बी र आत्मनिर्भर बनाउनका निम्ती नगरपालिकाले बजेट बिनियोजन गरेको बताँउदै अपांगता भएका व्यक्तिहरुको हितका लागि हुने कार्यक्रमहरुमा बजेट अभाव नहुने बताउनुभयो ।
अपांगता भएका व्यक्तिहरुको समस्या प्रति नगरपालिका गम्भीर रहेको बताँउदै उपप्रमुख अर्यालले अपांगता दिवसको अवसरमा देशैभरका अपांगता भएका व्यक्तिहरुलाई सुभकामना व्यक्त गर्नुभयो ।
विश्व स्वास्थ्य संगठनको आह्वानमा सन् १९९२ देखि वर्षेनी डिसेम्बर ३ मा संसारभर विश्व अपांगता दिवस मनाईदै आइएको छ ।

dd