विमान दुर्घटनामा मृत्यु भएकाहरुको परिवारबाट शव पहिचान गराइँदै

पोखरा — पोखरामा विमान दुर्घटनामा मृत्यु भएकाहरूको शव वर्गीकरणको काम सकिएको छ । काठमाडौंस्थित शिक्षण अस्पतालका फरेन्सिक प्रमुख टोलीको नेतृत्वमा पोखरा स्वास्थ विज्ञान प्रतिष्ठान तथा अन्य शिक्षण संस्था फरेन्सिक विज्ञ चिकित्सकबाट शवको वर्गीकरण गर्ने काम भर्खर सकिएको हो ।

यस्तै सनाखत गर्न मिल्ने शवको परिवारबाट पहिचान गराउने प्रक्रिया अगाडि बढेको पनि अस्पतालले जनाएको छ । शवलाई परिवारले पहिचान गरेपछि शवको पोस्टमार्टम गराइने छ ।