काठमाडौं, सहायक रथी श्री गणेश कुमार श्रेष्ठलाई प्रधान सेनापति महारथी श्री प्रभुराम शर्माले आज मिति २०८० भाद्र ०१ गते जङ्गी अड्डामा आयोजित एक कार्यक्रमकाबीच उपरथी दर्जाको दर्ज्यानी चिन्ह प्रदान गर्नु भएको छ । उहाँ नेपाल सरकारको मिति २०८० श्रावण ३० गतेको निर्णय अनुसार उपरथी दर्जामा पदोन्नति हुनु भएको हो । हाल निमित्त कार्यरथीको रुपमा कार्यरत उपरथी श्री श्रेष्ठ पदोन्नतिसँगै कार्यरथीमा नियुक्त हुनुभएको छ । दर्ज्यानी चिन्ह प्रदान गर्न आयोजित कार्यक्रममा बलाध्यक्ष रथी श्री सिताराम खड्का, रथीवृन्द, अधिकृतहरुका साथै पदोन्नति हुनुभएका उपरथी श्री श्रेष्ठको परिवारजनको उपस्थिति थियो ।
प्रतिक्रिया दिनुहोस्