रोजमेरी आइडल बोडीङको अभिभावक अभिमुखीकरण कार्यक्रम सम्पन्न, प्रशिक्षकको प्रस्तुतीमा अविभावक भाबुक बने

रबिन थपलिया । काठमाडौं । तारकेश्वर नगरपालिका वडा नं ७ स्थीत रोजमेरी आइडल बोडीङ स्कुलको अभिभावक अभिमुखिकरण कार्यक्रम २०८१ सम्पन्न भएको छ ।
विद्यालयले नयाँ शैक्षिक सत्रको बार्षिक क्यालेन्डर अनुसार आज टुसाल मल्टीभेन्युमा सयौं अभिभावकहरुको उपस्थीतिमा अभिभावक अभिमुखिकरण कार्यक्रम सम्पन्न गरेको हो ।

विद्यालयका संरक्षक रामकृष्ण मर्हजनले अभिभावक अभिमुखिकरण कार्यक्रमको पानसमा बत्ती बालेर उदघाटन गर्नुभएको थियो । विद्यालयका अध्यक्ष सुरज महर्जनको सभापतित्वमा सम्पन्न कार्यक्रममा रोजमेरी आइडल बोडीङका शिक्षक संरक्षण समितिका अध्यक्ष सिताराम थापामगर सहित विद्यालयका सञ्चालकहरु, शिक्षकहरु, अभिभावकहरु लगायतको उपस्थीति रहेको थियो ।
अभिमुखिकरण कार्यक्रममा लाईफ म्यानेजमेन्ट कोच इश्वर श्रेष्ठले अविभावकहरुलाई असल अविभावक कसरी बन्ने, बालबालीकाको मनोभावना कसरी बुझने, राम्रो विद्यालय कसरी छान्ने, जीवनमा कसरी खुसी र सुखी हुने लगायतको महत्वपुर्ण टिप्सहरु अभिभावकहरुलाई प्रदान गर्नुभएको थियो ।

विद्यालयका प्रधानाध्यापक डिपि दाहालले विद्यार्थीलाई समय अनुकुल संस्कार सहितको गुणस्तरीय शिक्षा अहिलेको आवश्यकता रहेको बताँउदै बोलेर भन्दा पनी रिजल्टमा देखिने खालको परिणाममुखी शिक्षा दिन बिद्यालय लागि परेको बताउनुभयो ।
४० जना विद्यार्थीबाट सुरु गरिएको विद्यालय यो अवस्थामा आउनुमा अभिभावकहरुको महत्वपुर्ण भूमिका रहेको बताँउदै प्रधानाध्यापक दाहालले यसै बर्ष देखि कक्षा ११ को पढाई सुरु गर्न लागिएको बताउनुभयो ।

अभिभावक अभिमुखिकरण कार्यक्रममा लाईफ म्यानेजमेन्ट कोच इश्वर श्रेष्ठको प्रस्तुतीमा अभिभावकहरु भाबुक समेत बनेका थिए । कार्यक्रममा सहभागी अभिभावकहरुले विद्यालयले निकै महत्वपुर्ण अभिमुखिकरण कार्यक्रम आयोजना गरेको भन्दै विद्यालयलाई धन्यवात दिएका थिए । अभिमुखकीकरण कार्यक्रममा प्रतिकृया दिंदै विद्यालयका अभिभावक हरिराज दवाडीले अभिमुखीकरण कार्यक्रम निकै फलदायी बनेको बताँउदै यहाँ सिकेको ज्ञानलाई व्यवहारमा लागु गर्ने प्रतिबद्धता व्यक्त गर्नुभयो ।

ghgh

vfg