तारकेश्वर नगरस्वास्थ्यको आयोजनामा मनमैजु मन्दिरमा रक्तदान कार्यक्रम सम्पन्न, वडा अध्यक्ष मर्हजन सहित ३७ ले गरे रक्तदान

रबिन थपलिया । काठमाण्डौं । बैशाख ३१ । तारकेश्वर नगरपालिकाको नगरस्वास्थ्य शाखा र नेपाल रेडक्रस सोसाइटीको सहकार्यमा तारकेश्वर नगरपालिका वडा नं ९ स्थीत मनमैजु मन्दिरमा आज रक्तदान कार्यक्रम सम्पन्न भएको छ ।
बिहान ११ बजे देखि ३ बजे सम्म सञ्चालन भएको रक्तदान कार्यक्रममा वडा नं ९ का वडा अध्यक्ष श्यामकृष्ण महर्जन, वडा सदस्य निर्माला मिजार, महिला स्वास्थ्य स्वयम सेवीकाहरु सावित्री सिंखडा, आसा बस्नेत र दिलमायाँ महर्जन सहित ३७ जनाले रक्तदान गरेको तारकेश्वर नगर स्वास्थ्य शाखाका जनस्वास्थ्य निरिक्षक गणेश कुवरले जानकारी दिनुभयो ।
कार्यक्रममा रक्तदान गर्ने रक्तदाताहरुलाई तारकेश्वर नगरपालिका वडा नं ९ का अध्यक्ष श्यामकृष्ण महर्जन, तारकेश्वर नगरस्वास्थ्य शाखाका प्रमुख बिनोद कुमार शाह, वडा सदस्यहरु उज्जवल अधिकारी, लक्ष्मी अधिकारी र श्यामकृष्ण महर्जनले प्रमाणपत्र प्रदान गर्नुभएको थियो । रक्तदान कार्यक्रममा शहरी स्वास्थ्य केन्द्र तारकेश्वर ९ का प्रमुख जनार्दन अधिकारी, तारकेश्वर नगरस्वास्थ्य शाखाका नसिङ अधिकृत राधा थपलिया, शाखाका भरत पाण्डे र शन्तोष ढकाल लगायतको उपस्थीति रहेको थियो ।
तारकेश्वर नगर स्वास्थ्य शाखाका जनस्वास्थ्य निरिक्षक गणेश कुवरले छोटो सुचनाको आधारमा उल्लेख्य मात्रामा उपस्थीती जनाएर रक्तदान कार्यक्रम सफलतापुर्वक सम्पन्न गर्न सहयोग गरेकोमा जनप्रतिनिधिहरु, रक्तदाताहरु, महिला स्वयमसेवीकाहरु, विद्यालयका प्रधानाध्यापकहरु, टोल सुधार समिति पदाधीकारीहरु, क्लब तथा समुहहरु र स्थानीयवासीहरु लगायतलाई सक्रिय सहभागीताको लागि धन्यवात दिनुभयो । नगरस्वास्थ्य शाखाको आयोजनामा आगामी कार्यक्रम वडा नं ८ मा आयोजना गरिने कुंवरले बताउनुभयो ।
नगर स्वास्थ्य शाखाको आयोजनामा तारकेश्वरका वडा नं २,४, १०, ११ मा रक्तदान कार्यक्रम सम्पन्न भइसकेको छ । उक्त वडाहरुमा यस बर्ष मात्र २७२ पिन्ट रगत संकलन भएको कुंवरले बताउनुभयो ।
तारकेश्वर नगरपालिकाका प्रमुख कृष्ण हरि महर्जनको पहलमा गत बर्ष तारकेश्वर नगरपालिका र नेपाल रेडक्रस सोसाइटी बिच नगरवासीहरुलाई निशुल्क रगत उपलव्ध गराउने सम्बन्धी सम्झौता भएको थियो । सम्झौता पछि तारकेश्वर नगरपालिकाका स्थायीबासीहरुले नेपाल रेडक्रस सोसाइटीको ब्लड बैक बाट रगत लिंदामा कुनै शुल्क तिनुपदैन् । रेडक्रसले सबै बिरामीहरुलाई निशुल्क रगत उपलव्ध गराएपनि रगतको क्रसम्याच लगायतको लागि भने शुल्क लिने गरेको छ । तारकेश्वर नगरपालिकासंगको सम्झौता पछि रेडक्रसले तारकेश्वर नगरपालिकाका स्थायीबासी नागरिकहरुले उपचारका लागि रगत लिंदामा शुल्क भने लिने छैन् ।

fgfg