प्रधान सेनापतिद्वारा दर्ज्यानी चिन्ह प्रदान

सगरमाथा पोस्ट
सगरमाथा पोस्ट १२ असार २०८१, मंगलवार
1 Min Read
Aa

काठमाडौं , जंगी अड्‌डामा आयोजित एक कार्यक्रमका बिच प्रधान सेनापति महारथी श्री प्रभुराम शर्माले सैनिक प्राड सेवा, प्राविधिक सेवा (स्वास्थ्य तथा इन्जिनियरिङ्ग समूह), हवाई सेवा तथा विविध सेवामा रिक्त रहेका अधिकृत पदहरुमा खुल्ला तथा समावेशी प्रतिस्पर्धाबाट छनौट भएका प्राड उप सेनानी ५ जना, लेखा उप सेनानी ६ जना र प्राविधिक उप सेनानी ५० जना गरी ६१ जना नव नियुक्त अधिकृतहरूलाई दर्ज्यानी चिन्ह प्रदान गर्नु भएको छ ।   आयुक्त पद प्रदान कार्यक्रममा बलाधिकृत रथी श्री अशोकराज सिग्देल र सैनिक तालिम महानिर्देशक उपरथी श्री सन्तोष कुमार ढकालले पनि नव नियुक्त अधिकृतहरूलाई दर्ज्यानी चिन्ह प्रदान गर्नु भएको थियो ।   नेपाली सेनाका रथीवृन्द, अधिकृतहरूका साथै नव नियुक्त अधिकृतहरूका परिवारजनको उपस्थिति रहेको कार्यक्रममा प्रधान सेनापतिले नव नियुक्त अधिकृतहरूलाई बधाई दिँदै सैनिक जीवनमा सफलताको लागि शुभकामना व्यक्त गर्नु भएको थियो ।

Print Friendly, PDF & Email

प्रतिक्रिया दिनुहोस्

Array