तारकेश्वर ११ मा सडक कालोपत्रे गरियो

काठमाण्डौं । तारकेश्वर नगरपालिका वडा नं ११ मा सडक कालोपत्रे गरिएको छ । तारकेश्वर नगरपालिकाको आ.व.२०८१÷८२ को बिनियोजित बजेट तथा कार्यक्रम अन्तर्गत वडा न.११ स्थित नेपालटार सिदार्थ बैंक हुँदै पन्चेस्वर मन्दिर जाने सडक, थापाटोल हुँदै खरिबोट जाने सडक, थापाटोल सडक स्तरोन्नतिको कालोपत्रे गर्ने कार्य भएको हो । सो कार्यको नगर प्रमुख कृष्ण हरि महर्जन , प्राविधिक टोलि, वडा सदस्य र स्थानीयवासी सहित अनुगमन गर्नुभयो । सडकको कुल सम्झौता रकम रु. ३६,१७,९९८.३६ रहेको छ भने योजनाको सम्पन्न मिति २०८२–०३–३० गते सम्म रहेको छ ।