तारकेश्वर १० मा पुरुषहरुको प्रोष्टेट क्यान्सर तथा महिलाहरुको पाठेघरको मुख तथा स्तन क्यान्सर स्क्रिनिङ कार्यक्रम सम्पन्न

रबिन थपलिया । काठमाण्डौं । तारकेश्वर नगरपालिकाको आयोजनामा आज वडा नं १० मनमैजु स्थीत मानसिंह धर्म मा.वि मा पुरुषहरुको प्रोष्टेट क्यान्सर तथा महिलाहरुको पाठेघरको मुख तथा स्तन क्यान्सर स्क्रिनिङ कार्यक्रम सम्पन्न भएको छ ।
तुलसीमायाँ मेमोरियल क्यान्सर रिलिफ प्रतिष्ठानको प्राविधिक सहयोग तथा तारकेश्वर नगरपालिकाको सहयोगमा लक्ष्य एकिकृत विकास नेपाल कामनपा २६को आयोजनामा नगरप्रमुखसँग जेष्ठ नागरिक दीर्घायु कार्यक्रम अन्तर्गत पुरुषहरुको प्रोष्टेट क्यान्सर स्क्रिनिङ कार्यक्रम सम्पन्न गरिएको छ । उक्त कार्यक्रम अन्तर्गत आज ६२ जना पुरुषहरुले सेवा लिएको आयोजक संस्थाले जनाएको छ ।
त्यस्तै तुलसीमायाँ मेमोरियल क्यान्सर रिलिफ प्रतिष्ठानको प्राविधिक सहयोग तथा तारकेश्वर नगरपालिकाको आर्थिक सहयोगमा धनकुमारी मेमोरियल ट्रष्ट तारकेश्वर ६ले उपमेयरसँग महिला विशेष प्रसुति पोषण कार्यक्रम, स्वास्थ्य सेवा अभियान अन्तर्गत पाठेघरको मुख तथा स्तन क्यान्सर स्क्रिनिङ कार्यक्रम सम्पन्न गरेको हो । सो शिविरमा २४५ जना महिलाहरुले सेवा लिएको आयोजकहरुले बताएका छन् ।
मानसिंह धर्म मा.बि मा संयुक्त रुपमा आयोजना गरिएको कार्यक्रममा तिन सय भन्दा बढीले सेवा लिएका छन् ।

dvc

fgh