रबिन थपलिया । काठमाण्डौं । तारकेश्वर नगरपालिकाले शिक्षामा गरेको लगानीको प्रतिफल देखिन थालेको छ । नगरप्रमुख कृष्ण हरि महर्जनले सामुदायिक विद्यालयको शैक्षिक सुधारका लागि नगरपालिकाको बजेटको ठुलो हिस्सा शिक्षामा लगानी गराँउदै आउनु भएको छ । नगरपालिकाले चालु आ.व मा ९ करोड भन्दा बढी शिक्षामा लगानी गरेको छ । नगरपालिकाले शिक्षाका गरेका लगानीको प्रतिफल क्रमश देखिन थालेको हो । शुक्रबार सार्वजनीक गरिएको एसईई परीक्षामा तारकेश्वरका सामुदायिक विद्यालयले गत बर्षको भन्दा झण्डै १२ प्रतिशत बढी विद्यार्थीहरु उत्रिर्ण गराउन सफल भएका छन् । गत बर्ष सामुदायिक विद्यालयबाट एक जना जिपिए ४ सहित ७३.३६ प्रतिशत विद्यार्थीहरु उत्रिण भएकोमा यस बर्ष २ जना जिपिए ४ सहित ८५.२२ प्रतिशत विद्यार्थीहरु उत्रिण भएका हुन् । एसईई परीक्षामा तारकेश्वर २ स्थीत कालिदेवी मा.वि बाट ९२ जना विद्यार्थीहरु परीक्षामा सहभागी भएकोमा दुई जना विद्यार्थीहरुले जिपिए ४ ल्याएका छन् ।
यस पटक तारकेश्वरका सामुदायिक विद्यालयबाट ६७० जना विद्यार्थीहरु एसर्ईईमा सहभागी भएकोमा ५७१ जना उत्रिण भएका छन् । जस्मा ३.६१ देखि ४ जिपिए ल्याउनेमा ९६ जना, ३.२१ देखि ३.६० जिपिए ल्याएर उत्रिण हुने २०३ जना, २.८१ देखि ३.२० जिपिए ल्याएर उत्रिण हुने २१२ जना र २.४१ देखि २.८० जिपिए ल्याएर ६० जना विद्यार्थीहरु उत्रिण भएका छन् ।
एसईई परीक्षामा तारकेश्वरका ३ वटा समुदायिक विद्यालयले शतप्रतिशत विद्यार्थी उत्रिण गराउन सफल भएका छन् । जस अनुसार काभ्रेस्थली मा.वि, जितपुर मा.वि र फुटुङ मा.वि रहेका छन् ।
हेर्नुहोस तारकेश्वरका कुन सामुदायिक विद्यालयले कति विद्यार्थी उत्रिण गराए ?
प्रतिक्रिया दिनुहोस्