काठमाण्डौं । तारकेश्वर नगरपालिकाले खेलाडीहरुलाई सम्मान गरेको छ ।
१४औ काठमाडौं जिल्ला स्तरीय राष्ट्रपति रनिङ शिल्ड प्रतियोगितामा तारकेश्वर नगरपालिकाका प्रतिनिधित्व गर्दै विभिन्न खेल बिधातर्फ पदक जित्न सफल खेलाडीहरुलाई नगर प्रमुख कृष्ण हरि महर्जन र उप प्रमुख सृजना बुर्लाकोटी अर्यालले नगद र प्रमाणपत्र सहित सम्मान गर्नुभएको हो ।
प्रतियोगिता २०८२ बैशाख ९ गते देखि १२ गते सम्म संचालन गरिएको थियो ।
टुसाल मल्टिभेन्युमा असार २० गते आयोजना गरिएको सम्मान कार्यक्रममा उपप्रमुख सृजना बुर्लाकोटी अर्याल, वडाअध्यक्षहरु, कार्यपालिका सदस्यहरु, शिक्षा समितिका सदस्यहरु, खेलसंयोजकहरु, खेलाडी र कर्मचारीहरु लगायतको उपस्थीति रहेको थियो ।
खेलाडीहरुलाई सम्मान गदै नगरप्रमुख कृष्ण हरि महर्जनले तारकेश्वरलाई खेलकुंदको हबको रुपमा बिकास गर्न नगरपालिका लागि रहेको बताँउदै खेलकुद क्षेत्रको बिकासमा नगरपालिकाले सहयोग गर्ने बताउनुभयो । खेलाड देशको गहना रहेको बताँउदै नगरप्रमुख महर्जनले बिजेता खेलाडीहरुलाई बधाई दिनुभयो ।
सो अवसरमा उपप्रमुख सृजना बुर्लाकोटी अर्यालले खेल र खेलाडीको कदर गर्न नगरपालिका सदैब तयार रहेको बताँउदै उच्च मनोबलका साथ खेलेर नगरपालिकाको इज्जत राख्न आग्रह गर्नुभयो ।
शिक्षा शाखाको समन्वयमा भएको यस कार्यक्रमको संचालन नगर खेलकुद संयोजक बिक्रम खड्गीज्युले गर्नुभएको थियो ।
प्रतिक्रिया दिनुहोस्