तारकेश्वरमा नगरप्रमुख कृष्ण हरि महर्जनको आब्हानमा सर्वदलीय बैठक सम्पन्न, बैठकले गर्यो यस्तो निर्णय

रबिन थपलिया । काठमाण्डौं । जेनजी आन्दोलन पछि देशमा अन्योलको अवस्था खडा भईरहेको अवस्थामा तारकेश्वर नगरपालिकाका प्रमुख कृष्ण हरि महर्जनले जेनजी आन्दोलनका क्रममा तारकेश्वरमा भएको भौतिक क्षती, लुटपाट र तोडफोडका कारण उत्पन्न भएको असहज परिस्थीतिको बारेमा छलफल गर्न सर्वदलीय बैठक आयोजना गर्नुभएको छ ।
तारकेश्वर नगरपालिकाको सभाहलमा आज अपहनन आयोजना गरिएको बैठकका नेपाली काँग्रेस, नेकपा एमाले, माओबादी केन्द र राष्ट्रिय स्वतन्त्र पार्टी सहित नागरिक समाज, जनप्रतिनिधिहरु, पत्रकार तथा संचारकर्मी लगायतको उपस्थीती रहेको थियो ।

बैठकमा तारकेश्वर नगरपालिकाका प्रमुख कृष्ण हरि महर्जनले व्यक्तिगत दुस्मनीका कारण नगरपालिकामा तोडफोड भएको बताँउदै नगरपालिकामा भएको तोडफोड र आफुमाथीको आक्रमणको प्रयासबाट कदापी बिचलीत नहुने बताउनुभयो ।
आन्दोलनकारीको नाममा आफ्नो भौतिक सम्पत्ती र व्यवसायमा समेत क्षती गर्ने उदेश्य सहितको प्रयास भएपनि उनिहरु सफल नभएको बताँउदै नगरप्रमुख महर्जनले नगरवासीको हितका लागि आफु मर्न तयार रहेको बताउनुभयो ।

बैठकमा नेकपा एमाले तारकेश्वरका अध्यक्ष बासु गौतमले आन्दोलन पछि तारकेश्वरका ११ वटै वडाहरुमा असुरक्षा बढेको बताँउदै वडा अध्यक्षको संयोजकत्वमा सबै वडाहरुमा सुरक्षा समिति गठन गर्नुपर्ने बताउनुभयो । बिदेशी चलखेलका कारण व्यवस्थानै संकटमा पुगेको बताँउदै व्यवस्था बचाउन आन्दोलनको मैदानमा उत्रिनुपर्ने बताउनुभयो ।

नेकपा माओबादी तारकेश्वरका नगर अध्यक्ष जगन्नाथ राजबाहकले जेनजी आन्दोलन पछि नगरपालिका भित्र असुरक्षाको त्रास बढेको समयमा बैठक डाकिएकोमा धन्यवात व्यक्त गदै यस गम्भीर अवस्थामा नगरपालिकालाई साथ दिन तयार रहेको बताउनुभयो ।
राष्ट्रिय स्वतन्त्र पार्टी तारकेश्वरका सभापति बिनोद चापागाँईले जेनजी आन्दोलन पछि तारकेश्वर नगरपालिका जिम्मेवार बनेर राजनैतिक छलफल कार्यक्रम आयोजना गरेकोमा धन्यवात दिंदै तारकेश्वरका नागरिकहरुलाई सेवा प्रवाह नियमीत गर्नका निम्ती आफुहरुले पार्टीगत र नगरवासीको हिसाबले हर प्रकारको सहयोग गर्ने प्रतिबद्धता व्यक्त गर्नुभयो ।
जेनजी आन्दोलनका क्रममा भएको तोडफोडमा आफनो पार्टीको कुनै संलग्नता नरहेको बताँउदै सभापती चापागाँईले कोहि संलग्न भएको पाईएमा संलग्न व्यक्तिको स्वयम जिम्मेवार रहने बताउनुभयो ।
बैठकमा तारकेश्वर नगरपालिकामा चुनाव लडने सबै पार्टीलाई आमन्त्रण गरिएपनि राप्रपा, नेमकिपा लगायतका पार्टीहरु भने उपस्थीत भएनन् ।
बैठकमा जेनजी आन्दोलनका क्रममा तारकेश्वर नगरपालिकाका तथा वडा कार्यालयहरुमा भएको तोडफोड, प्रहरी चौकी र सार्वजनीक सम्पत्तीको क्षती,जनप्रतिनिधि र उनिहरुको निजि सम्पत्ती माथी भएको क्षतीको बारेमा छलफल भएको थियो । सो क्रममा बैठकमा सहभागी भएका वडा अध्यक्षहरुले आफ्नो वडामा भएको क्षतीहरुको बारेमा बिस्तृत जानकारी गराउनुभएको थियो ।
सर्वदलिय बैठकमा जेनजी आन्दोलनका नाममा तारकेश्वर नगरपालिकाको कार्यालयमा भएको आगजनी, तोडफोड तथा वडा नं १, ४, १० र ११ मा भएको क्षतीको बारेमा छानविन गर्नका लागि लक्ष्मण तिमिल्सीनाको संयोजकत्वमा छानविन समिति तथा नारायण सापकोटाको संयोजकत्वमा तारकेश्वर नागरिक सुरक्षा समिति गठन गरिएको छ । दुवै समितिमा जनप्रतिनिधिहरु, राजनैतिक दलका प्रतिनिधिहरु, नागरिक समाज, पत्रकार तथा संचारकर्मी, सुरक्षाकर्मी र कानुन व्यवसायी लगायत रहने छन् । त्यस्तै उक्त समितिहरुको संरक्षकमा नगरप्रमुख, प्रमुख सल्लाहकारमा उपप्रमुख रहने छन् ।

fgfg