बालाजुबाट चोरीभयो १५ लाख बढीको धनमाल

काठमाडौँ । काठमाडौँको बालाजुमा करिब १५ लाख ४ हजार रुपैयाँ बराबरको धनमाल चोरी भएको छ । काठमाडौँ महानगरपालिका–१६ बालाजु वनस्थली चोक डेरा गरी बस्ने काभ्रे घर भएकी ३२ वर्षीया पवित्रा तामाङको कोठाबाट धनमाल चोरी भएको हो ।

तामाङको कोठाबाट सुन तथा चाँदीका विभिन्न गरगहना र नगद समेत गरी करिब १५ लाख बढीको धनमाल चोरी भएको प्रहरीले जनाएको छ । प्रहरीले चोरीमा संलग्न व्यक्तिको खोजी भइरहेको जनाएको छ ।