रबिन थपलिया । काठमाण्डौं । एन्जल्र्स स्पोर्ट एकेडेमीको आयोजनामा यहि मंसिर २५ गते देखि १२ बर्ष मुनिका विद्यार्थी खेलाडीहरु बिच जुनियर क्रिकेट लिग (jcl) यु १२ प्रतियोगिता हुने भएको छ ।
तारकेश्वर ९ स्थीत एकेडेमीमा हुने यस प्रतियोगिता पुस ५ गते सम्म चल्ने छ । एकेडेमीमा आज पत्रकार सम्मेलनको आयोजना गदै प्रतियोगितको ट्रफि सार्वजनीक तथा क्याप्टेन मिटको आयोजना गरियो । प्रतियोगितामा काठमाण्डौं उपत्यका भित्रका क्रिकेट एकेडेमीमा आबद्ध १६ टिमका खेलाडीहरुको सहभागीता रहने छ । प्रतियोगिता बिजेता टिमले नगद रु ३० हजार, ट्रफि र प्रमाणपत्र तथा उपबिजेता टिमले नगद रु २० हजार ट्रफि र प्रमाणपत्र पाउने छन् । त्यस्तै प्रतियोगितमा मस्ट भ्यालुयबल प्लेयर, बेष्ट व्याटस म्यान, बेष्ट बलर, इम्प्वयरीङ प्लेयर, म्यान अफ दि म्याच र बेष्ट कोचहरुलाई समेत पुरस्कृत गरिने आयोजकले बताएका छन् ।
प्रतियोगिता बारेमा जानकारी दिन आज आयोजीत पत्रकार सम्मेलनका बोल्दै एन्जल्र्स स्पोर्टस एकेडेमीका अध्यक्ष खिम थापाले लिगको ग्रास रुट्स क्रिकेट प्रवद्र्धन गर्ने र १२ वर्ष मुनिका युवा खेलाडीहरूलाई सुरक्षित, व्यावसायिक र प्रतिस्पर्धात्मक प्लेटफर्म प्रदान गर्ने उद्देश्यले आयोजना गरिएको बताउनुभयो । खेलहरू लिग तथा नकआउट ढाँचामा खेलाइने थापाले बताउनुभयो । प्रतियोगिताको संचालन कुशल खड्का, टुर्नामेन्ट निर्देशक, तथा रबिन्द्र गुप्ता, टेक्निकल हेड को निगरानीमा हुने पत्रकार सम्मेलनमा जानकारी दिइयो । प्रतियोगिताको ब्राण्ड एम्बेस्डर क्रिकेटका राष्ट्रिय टिमका खेलाडी युवराज खत्री रहेका छन् ।
एन्जल्र्स स्पोर्ट एकेडेमीको आयोजनामा हुन गईरहेको यस प्रतियोगिता जुनियर लिगको पाँचौं संस्करण रहेको बताँउदै थापाले १२ बर्ष मुनिको प्रतियोगिता भने पहिलो पटक गर्न लागिएको बताउनुभयो ।
कार्यक्रममा काठमाण्डौं जिल्ला प्याव्सनका उपाध्यक्ष धन बहादुर पुनले एन्जल्स स्पोर्ट एकेडेमी क्रिकेटका राष्ट्रिय खेलाडी उत्पादन गर्ने उर्वर मैदान बनेको बताँउदै प्रतियोगितासंगै क्रिकेटको एउटा बललियो टिम तयार गर्न आग्रह गर्नुभयो ।
उपाध्यक्ष पुनले क्रिकेट खेलको प्रबद्र्धनका लागि प्याव्सनले समेत देशव्यापी प्याब्सन कप अण्डर १५ क्रिकेट प्रतियोगिता गर्न लागिएको बताउनुभयो ।
पत्रकार सम्मेनलनमा बोल्दै एन्जल्स हार्ट नेश्नल स्कुलका प्रिन्सीपल टक बहादुर थापाले प्रतियोगिताले युवा क्रिकेट प्रतिभा मात्र विकास नगरी खेलमा अनुशासन, टीमवर्क, निष्पक्षता र सुरक्षाका मूल्यहरू पनि प्रवद्र्धन गर्ने बताउनुभयो ।
प्रतियोगिताका प्राविधिक प्रमुख अन्तराष्ट्रिय अम्पाएर रबिन्द्र गुप्ताले पुरस्कारका लागि तोकिएको भन्दा बढी उमेर समुहका खेलाडीहरुलाई सहभागी नगराउन सहभागी टिमहरुलाई आग्रह गदै प्रतियोगिता सफल बनाउन संचार माध्यमहरुबाट सहयोगको अपेक्षा गरिएको बताउनुभयो ।
fgfg
प्रतिक्रिया दिनुहोस्