रबिन थपलिया । काठमाडौं । तारकेश्वर नगरपालिकाको विकास योजना आयोगको उपाध्यक्षमा डा. कृष्ण बहादुर घिमिरे नियुक्त हुनुभएको छ ।
तारकेश्वर नगरपालिका विकास योजना आयोग (गठन तथा सञ्चालन कार्यविधि) ऐन, २०८० बमोजिम डा. घिमिरेलाई आगामी ३ बर्षका लागि आयोगको उपाध्यक्षमा नियुक्त गरीएको हो ।
तारकेश्वर नगरपालिकाको प्रमुख प्रशासकिय अधिकृतबाट यहि साउन १० गते उमेरहदका कारण अनिवार्य अवकास पाउनुभएका डा. घिमिरेलाई आयोगको ऐन बमोजिम तारकेश्वर नगर कार्यपालिकाले उपाध्यक्षमा नियुक्त गरेको हो ।
नेपालको संविधानको धारा २२६(१) तथा स्थानीय सरकार सञ्चालन ऐन,२०७४ को दफा १०२ को उपदफा (१) ले प्रदान गरको अधिकार प्रयोग गरी तारकेश्वर नगरपालिकाको १३ औ नगरसभाले यो ऐन पारित गरी जारी गरिएको थियो ।
आयोगको उपाध्यक्षमा नियुक्त हुनुभएका डा. घिमिरेलाई आज तारकेश्वर नगरपालिकाका प्रमुख कृष्ण हरि मर्हजन, उपप्रमुख सृजना बुर्लाकोटी अर्याल, प्रमुख प्रशासकिय अधिकृत दिनेशराज पन्त, सहित वडा नं २ का अध्यक्ष एवं नगरप्रवक्ता राधाकृष्ण खड्गी, वडा नं ३ का अध्यक्ष परशुराम अर्याल, वडा नं ५ का अध्यक्ष सम्भु फुंयाल, वडा नं ६ का अध्यक्ष घनश्याम श्रेष्ठ, वडा नं ७ का अध्यक्ष सानुकाजी खत्री, वडा नं ८ का अध्यक्ष श्यामकृष्ण सापकोटा, वडा नं १० का अध्यक्ष कुमार राई, वडा नं ११ का अध्यक्ष कविराज बस्नेत, नगरकार्यपालिका सदस्यहरु शान्ता थपलिया, अञ्जु बस्नेत लगायत जनप्रतिनिधिहरुले नगरपालिकामा स्वागत गर्नुभयो ।
नेपालको संविधानको धारा २२६(१) तथा स्थानीय सरकार सञ्चालन ऐन,२०७४ को दफा १०२ को उपदफा (१) ले स्थानीय निकायलाई विकास योजना आयोगको गठनको अधिकार दिएपनि काठमाण्डौं महानगरपालिका र पोखरा महानगरपालिकाले मात्र हाल सम्म सो आयोग गठन गरेका छन् । नेपालका २७६ नगरपालिका मध्य विकास योजना आयोग गर्ने सम्भबत तारकेश्वर नगरपालिकानै पहिलो नगरपालिका हो ।
उपाध्यक्षमा नियुक्त भएपछि डा. घिमिरेले तारकेश्वरको समृद्धि र विकासका लागि आफुले जिम्मेवार भएर लाग्ने प्रतिबद्धता व्यक्त गर्नुभयो ।
तारकेश्वर नगरपालिका विकास योजना आयोगले नगरपालिकाको समग्र समृद्धिका लागि दुरगामी सोच सहितको दीर्घकालीन लक्ष्य, मार्गचित्र, नीति तथा योजना तर्जुमा गरी कार्यान्वयनको लागि सिफारिस गर्ने, नगरपालिकाको विकासको सम्भाबना र अवसरलाई बृहत्तर अध्ययन, अनुसन्धान गरी सहभागितामुलक विधिबाट अल्पकालीन, मध्यकालीन र दीर्घकालीन योजनाको तर्जुमा गर्ने, नगरपालिकाको आर्थिक, सामाजिक, साँस्कृतिक, वातावरणीय प्रविधि र पुर्वाधारजन्य विकासका लागि आवश्यक योजना तथा परियोजनाको तर्जुमा, कार्यान्वयनमा सहजीकरण, सुपरिवेक्षण, अनुगमन तथा मुल्यांकन गर्ने लगायतका बिभिन्न २७ वटा काम, कर्तव्य र अधिकार तोकिएको छ ।
fgdfg
प्रतिक्रिया दिनुहोस्