शिक्षा दिवसको अवसरमा तारकेश्वर नगरपालिकाद्धारा शिक्षक, विद्यार्थी र विद्यालयलाई सम्मान

रबिन थपलिया । काठमाडौं । शिक्षा दिवसको अवसरमा तारकेश्वर नगरपालिकाले शिक्षक, विद्यार्थी र विद्यालयहरुलाई सम्मान गरेको छ ।
तारकेश्वरलाई शिक्षाको हब बनाउने नगरप्रमुख कृष्ण हरि महर्जनको लक्ष्य सहित शिक्षा क्षेत्रमा झण्डै ९ करोड बजेट बिनियोजन गरेको तारकेश्वर नगरपालिकाले शिक्षा दिवसको अवसर पारेर माध्यामिक शिक्षा परिक्षा २०७९ र आधारभुत शिक्षा परिक्षा २०७९ मा तारकेश्वर नगरपालिका भित्रका सामुदायिक र संस्थागत विद्यालयबाट उत्कृष्ट नतिजा ल्याउन सफल विद्यार्थी, शिक्षक र विद्यालयलाई नगरपालिकाले सम्मान गरेको हो ।
तारकेश्वर नगरपालिकाको वडा नं ६ स्थीत ग्रामसेवा मा.विमा आयोजना गरिएको कार्यक्रममा तारकेश्वर नगरपालिकाका प्रमुख कृष्ण हरि महर्जन र प्रमुख प्रशासकिय अधिकृत दिनेशराज पन्तले माध्यामिक शिक्षा परिक्षा २०७९ मा सामुदायिक विद्यालय तर्फ प्रथम, द्धितिय र तृतिय हुने विद्यार्थीलाई जनही क्रमस ७ हजार, ६ हजार र ५ हजार नगद र प्रमाणपत्र सहित सम्मान गर्नुभयो भने संस्थागत विद्यालय तर्फ जिपिए ४ ल्याउने ४ जना विद्यार्थीलाई जनही ७ हजारको दरले नगद र प्रमाणपत्र सहित सम्मान गर्नुभयो ।
त्यस्तै आधारभुत शिक्षा परिक्षा २०७९ मा सामुदायिक तथा संस्थागत विद्यालयहरु तर्फ प्रथम, द्धितिय र तृतिय हुने विद्यार्थीलाई जनही ७ हजार, ६ हजार र ५ हजार नगद र प्रमाणपत्र सहित सम्मान गर्नुभयो ।
त्यस्तै तारकेश्वर नगरपालिकाको शिक्षा शाखाको आयोजनामा भदौं २९ गते राष्ट्रिय बाल दिवसको अवसरमा आयोजित बक्तीत्वकला प्रतियोगितामा प्रथम स्थान हाँसील गर्न सफल मिलन धर्मस्थली विद्यालयमा कक्षा ८ मा अध्यनरत छात्रा कृष्टिना सिम्खडा, द्धितिय स्थान हाँसील गर्न सफल काभ्रेस्थली माध्यमिक विद्यालयमा कक्षा ९ मा अध्यनरत छात्र सविन सुवेदी, तृतिय स्थान हाँसील गर्न सफल सनफ्लावर एकेडेमीमा कक्षा ९ मा अध्यनरत छात्रा दिना गोदार र शान्त्वना पुरस्कार बिजेता युरेका हाइ स्कुलमा कक्षा १० मा अध्यनरत छात्रा पुर्णिमा घिमिरेलाई जनही क्रमश रु ५ हजार, ४ हजार, ३ हजार र दुई हजार सहित प्रमाणपत्र, शिल्ड र मेडल सहित पुरस्कृति गरियो ।

कार्यक्रममा बोल्नुहुंदै तारकेश्वर नगरपालिकाका प्रमुख कृष्ण हरि महर्जनले शिक्षामा परिवर्तन आएमा मात्र तारकेश्वर नगरपालिका समृद्ध बन्ने बताँउदै तारकेश्वरको समृद्धिका लागि नगरपालिकाले शिक्षामा लगानी बढाएको बताउनुभयो ।
तारकेश्वर नगरपालिकाले शिक्षामा गरेको लगानीको प्रतिफिल अनुरुप समुदायिक विद्यालयहरुमा राम्रो नतिजा आउन थालेको बताँउदै शैक्षिक गुणस्तर बृद्धि गर्नका लागि सामुदायिक विद्यालयलाई नगरपालिकाले हर प्रकारको सहयोग गर्न तयार रहेको बताउनुभयो ।
नगरप्रमुख महर्जनले शिक्षा दिवसको अवसरमा सबैलाई सुभकामना दिनुहुंदै शिक्षा दिवसको अवसरमा पुरस्कृत हुने विद्यार्थी, शिक्षक र विद्यालयलाई बधाई दिनुभयो ।

कार्यक्रममा तारकेश्वर नगरपालिकाको सामाजिक विकास शाखा प्रमुख एवं तारकेश्वर नगरपालिका वडा नं ३ का अध्यक्ष परशुराम अर्यालले शिक्षा दिवस मनाई रहंदा देशभरका शिक्षकहरु आन्दोलनमा उत्रिनु दुख रहेको बताँउदै बिरोधका नाममा विद्यालय बन्द गर्ने कार्यक्रमको मोडालीटी परिवर्तन गर्नका लागि शिक्षक महासंघलाई आग्रह गर्नुभयो ।

तारकेश्वर नगरपालिकाका शिक्षा समितिका सदस्य एवं तारकेश्वर प्याव्सनका अध्यक्ष धन बहादुर पुनले तारकेश्वर नगरपालिकालाई शिक्षाको हब बनाउनका लागि नगरपालिकाले संस्थागत र सामुदायिक विद्यालयलाई समान हिसाबले व्यवहार गर्नुपर्ने बताउनुभयो ।
श्री विराट सनातन धर्म संस्कृत विद्यापीठ्म गुरुकुलम्मा अध्ययनरत विद्यार्थीहरुबाट स्वस्तिक वाचन सहित सुरु भएको कार्यक्रमलाई शिक्षा शाखाका प्रमुख पदम बहादुर खत्रीले सञ्चालन गर्नुभएको थियो । कार्यक्रममा तारकेश्वर नगरपालिकाका प्रमुख प्रशासकिय अधिकृत दिनेशराज पन्त, वडा नं १ का अध्यक्ष विदुर सापकोटा, तारकेश्वर नगरपालिकाका प्रवक्ता एवं वडा नं २ का अध्यक्ष राधाकृष्ण खडगी, वडा नं ४ का अध्यक्ष नरेन्द्र दास श्रेष्ठ, वडा नं १० का अध्यक्ष कुमार राई, कार्यपालीका सदस्य अञ्जु बस्नेत, शिक्षा शाखाका अधिकृत शन्तोष न्यौपाने, बासु तिमिल्सीना सहित बिभिन्न विद्यालयका प्रधानाध्यापकहरु, स्काउटका विद्यार्थीहरु, शिक्षक, सुरक्षाकर्मी लगायतको उपस्थीति रहेको थियो ।

यि हुन नगरपालिकाबाट सम्मानीत हुने शिक्षक, विद्यार्थी र विद्यालय

fgg

yyu