प्रथम तारकेश्वर नगर अन्तर वडा स्तरीय फुटबल प्रतियोगिता वडा नं ११ ले जित्यो, नगरप्रमुखद्धारा नगद र ट्रफि बितरण

रबिन थपलिया । काठमाडौं । प्रथम तारकेश्वर अन्तर वडा स्तरीय फुटलब प्रतियोगिता वडा नं ११ ले जितेको छ ।
तारकेश्वर नगरपालिकाको सहयोगमा समाज सेवा युवा क्लबको आयोजनामा तारकेश्वर नगरपालिका वडा नं ८ पिपलडाँडा फुटबल खेलमैदानमा हिजो सम्पन्न फाइनल गेममा वडा नं ३ लाई ३ गोल अन्तरले पराजीत गदै वडा नं ११ ले प्रतियोगिता जितेको हो । खचाखच दर्शकको उपस्थीति रहेको प्रतियोगिताको अन्तीम चरणको खेलमा वडा नं ११ ले ४ गोल गर्न सफल भयो भने वडा नं ३ ले एक गोलमा मात्र गर्न सफल भयो ।
प्रतियोगिता बिजेता वडा नं ११ का खेलाडी टिमलाई नगरप्रमुख कृष्ण हरि महर्जले नगद रु ५० हजार, ट्रफि र प्रमाणपत्र प्रदान गर्नुभयो भने प्रतियोगिताको दोश्रो बिजेता वडा नं ३ का खेलाडीहरुलाई नगद रु २५ हजार, ट्रफि र प्रमाणपत्र प्रदान गर्नुभयो । प्रतियोगितामा सर्वाधीक १२ गोल गर्ने वडा नं ११ का खेलाडी रबिन चौलागाँई , बेष्ट किपर वडा नं ३ का अजय लामीछाने, प्रमोसिङ प्लेयर वडा नं ११ का अभिषेक भण्डारी, बेष्ट स्टाइकर वडा नं ३ का अनिल श्रेष्ठलाई सम्मान गरियो । १६ टिमको प्रतिष्पर्धा रहेको यस प्रतियोगिता असोज १५ देखि असोज २६ गते सम्म सञ्चालन भएको थियो ।

प्रतियोगिताको समापन गर्नुहुंदै तारकेश्वर नगरपालिकाका प्रमुख कृष्ण हरि महर्जनले खेलकुद प्रतियोगिताले तारकेश्वर नगरपालिकामा छरिएर रहेका युवाहरु बिचको सहकार्य, समन्वय, आत्मीयता र भाइचाराको बिकास गर्न सहयोग पुगेको बताउनुभयो ।
विकास भनेको पुर्वाधार, स्वास्थ्य, शिक्षा मात्र नभई खेलकुद पनि रहेको बताँउदै नगरप्रमुख महर्जनले तारकेश्वर नगरपालिकाबाट राष्ट्रिय तथा अन्तराष्ट्रिय खेलाडी उत्पादन गर्न लागि परेको बताउनुभयो ।
निकै जिर्ण रहेको पिपलचौर खेलमैदानमा आफु निर्वाचीत भएर आएसंगै १ करोड बजेट बिनियोजन गरेको बताँउदै नगरप्रमुख महर्जनले खेलकुद क्षेत्रको बिकासका लागि नगरपालिकाले लगानी गर्ने बताउनुभयो ।
तारकेश्वर नगरपालिकालाई खेलकुदको हब बनाउने लक्ष्य रहेको बताँउदै नगरप्रमुख महर्जनले नगरपालिकाले चाँडैनै खेलकुद समिति गठन गर्न लागीपरेको बताउनुभयो ।
तारकेश्वर नगरपालिका वडा नं ८ का अध्यक्ष श्यामकृष्ण सापकोटाले तारकेश्वर नगरपालिका भित्रका खेलाडीहरुलाई एकिकृत गरेर खेलाडी र खेलको संरक्षण गर्न प्रतियोगिता आयोजना गरिएको बताउनुभयो ।
युवाहरु दिन प्रतिदिन लागुऔषधको कुलतमा फसेर जिवन बबार्द गरिरहेको बताँउदै अध्यक्ष सापकोटाले खेलमा उनिहरुलाई आर्कषण गर्न सकेमा उनिहरुको भबिष्य राम्रो हुनुका साथै खेलक्षेत्रमा समेत योग्दान पुग्ने बताउनुभयो ।
२०७९ को निर्वाचन अगाडी सम्म निकै दयनीय रहेको प्रतियोगिता भइरहेको यस चौरलाई तारकेश्वर नगरपालिकासंग सहकार्य गरेर १ करोड रकम बिनियोजन गरेर अहिलेको अवस्था सम्म ल्याउन सफल भएको बताँउदै अध्यक्ष सापकोटाले यस खेल मैदानलाई तारकेश्वर नगरपालिकाकै उत्कृष्ट खेलमैदान बनाउन लागि परेको बताउनुभयो ।

क्लबका उपाध्यक्ष केदार खत्रीले सञ्चालन गरेको कार्यक्रममा प्रतियोगितामा सहयोग गर्ने युवा व्यवसायी एवं समाजसेवी युवराज तिवारी लगायतलाई नगरप्रमुख कृष्ण हरि महर्जनले प्रमाणपत्र सहित सम्मान गर्नुभयो ।
समाज सेवा युवा क्लबका अध्यक्ष दिनेश कुमार लामाको सभापतित्वमा सम्पन्न कार्यक्रममा प्रहरी कार्यालय बालाजुका प्रमुख डिएसपी मनोजित कुंवर, वडा नं १ का अध्यक्ष बिदुर सापकोटा, वडा नं २ का अध्यक्ष एवं तारकेश्वर नगरपालिकाका प्रवक्ता वडा नं २ का अध्यक्ष राधाकृष्ण खडगी, वडा नं ३ का अध्यक्ष परशुराम अर्याल, वडा नं ६ का अध्यक्ष घनश्याम श्रेष्ठ, वडा नं ७ का अध्यक्ष सानुकाजी खत्री, वडा नं ११ का अध्यक्ष कबिराज बस्नेत, वडा नं २ का वडा सदस्य किशोर भण्डारी, वडा नं ६ का वडा सदस्य रामचन्द्र घिमिरे, वडा नं ११ का वडा सदस्य लिला बराईली, जगन्नाथ घिमिरे, तारकेश्वर नगरपालिकाको न्यायीक समितिका सदस्य एवं वडा नं ११ का वडा सदस्य मिरा थापा, वडा नं ८ का वडा सदस्यहरु मोहन खत्री, महालक्ष्मी काफ्ले, लक्ष्मी परियार लगायतको उपस्थीति रहेको थियो ।
उमाकुम्फु खेलका प्रतिष्ठीत खेलाडी समेत रहनुभएका नगर प्रमुख कृष्ण हरि महर्जनले नगरप्रमुखको रुपमा बिजयी भएसंगै नगरपालिबाट राष्ट्रिय स्तरका खेलाडीहरु उत्पादन गर्ने उदेश्य सहित खेलकुदको क्षेत्रमा लगानी गदै आइरहनु भएको छ । तारकेश्वर नगरपालिकाको इतिहाँसमानै पहिलो पटक गतबर्ष राष्ट्रपति रनिङशिल्ड प्रतियोगितामा सहभागी भएको तारकेश्वर नगरपालिकाले काठमाण्डौं उपत्यकाका स्थानीय निकायमा दोश्रो पदक जित हाँसील गरेको थियो ।

ghgh

fgfg