भारत सरकारद्धारा नेपालका भुकम्प पिडितलाई तेश्रो चरणको राहत सामग्री सहयोग

सगरमाथा पोस्ट
सगरमाथा पोस्ट २४ कार्तिक २०८०, शुक्रबार
2 Min Read
Aa

रबिन थपलिया । काठमाडौं । पश्चीम नेपालका भुकम्प पिडितहरुका लागि भारत सरकारले नेपाललाई तेश्रो चरणको राहत सामग्री उपलव्ध गराएको छ ।
भारतका प्रधानमन्त्री श्री नरेन्द्र मोदीको प्रतिबद्घतालाई कार्यान्वयन गर्दै भारतीय वायुसेनाको सी–१३० नामक विशेष विमान कार्तिक २३ गते भूकम्प पीडितका लागि तेस्रो चरणको १२ टनभन्दा बढी राहत साम्रगी लिएर नेपाल आइपुग्यो । यी राहत सामग्रीमा कम्बल, स्लीपिङ्ग ब्याग, त्रिपाल, अत्यावश्यक चिकित्सा सामग्री आदि समावेश थिए ।
पहिलो रेस्पोन्डरको रुपमा भारतले नेपालका भूकम्प प्रभावित परिवारका लागि भारतीय वायुसेनाको विशेष विमानका तीनवटा फ्लाइटमार्फत ३३ टन आपतकालीन राहत सामग्री उपलब्ध गराइ सकेको छ । भूकम्प प्रभावित परिवारका अत्यावश्यक आवश्यकताहरु पुरा गर्न यस राहत सामग्रीमा त्रिपाल, टारपोलिन सिट, कम्बल, स्लीपिङ्ग ब्याग, अत्यावश्यक औषधी र चिकित्सा उपकरण जस्तैं शल्यचिकित्सा सम्बन्धी उपकरण, पोर्टेबल भेन्टिलेटर तथा सरसफाई सामग्री समावेश थिए ।
नेपाल भारतको घनिष्ट मित्र एवम् छिमेकी भएकोले नेपाललाई सहयोग गर्न भारत प्रतिबद्घ रहेको कुरा भारतले भूकम्प लगत्तै नेपाललाई सहयोग गर्न देखाएको तत्परताले पुष्टि गर्दछ । नेपालको प्रमुख विकास साझेदार भएको नाताले नेपाली जनतालाई सहयोग गर्न भारत सदैव तयार छ । नेपाल सरकारले उपलब्ध गराएको निर्देशिका र प्राथमिकताको आधारमा भारत सरकारले नेपाललाई निरन्तर सहयोग गर्नेछ ।
भारत सरकारले २०७२ सालमा नेपालमा गएको भुकम्पमा उद्धार तथा राहत सामग्री एवं पुनरर्निमाणका लागि करोडौंको सहयोग गरेको थियो ।

No description available.

No description available.

No description available.

No description available.

cddf

प्रतिक्रिया दिनुहोस्