तीनजना पीडितले दिएको जाहेरीका आधारमा प्रहरीले नेम्वाङलाई २९ जनवरी सोमबार पाँचथरमा पक्राउ गरि जिल्ला प्रहरी कार्यालय काठमाडौंको हिरासतमा राखेको छ ।नेम्वाङलाई प्रहरीले ठगी सम्बन्धि कसुरमा हिरासतमा राखेर जिल्ला अदालत काठमाडौंबाट म्याद लिएर अनुसन्धान गरिरहेको छ ।नेम्वाङ आफ्नो बाबुको काजक्रिया गर्न नेपाल आएका बेला पक्राउ परेका थिए । नेम्वाङविरुद्ध पांचथरकै एक ३२ वर्षीया महिलाले जाहेरी दिएकी थिइन् ।जाहेरी अनुसार, नेम्वाङले भूपू गोर्खा सैनिकका दुई छोरीसंग आवासीय भिसा मिलाइदिने भन्दै प्रति व्यक्ति २ लाख ३८ हजार रुपैयाँका दरले ४ लाख ७६ हजार रुपैयां लिएर पनि काम नगरिदिएको आरोप छ । काममा आलटाल गरेपछि पीडितले पैसा फिर्ता माग्दा उनले उल्टै धम्क्याउने गरेको पीडितको भनाइ छ ।
“भूतपूर्व गोर्खा बिधवाहरु तथा तिनका परिवारलाई सक्दो मदत गर्नु पर्नेमा झुट्ठा आश्वासन दिंदै करोडौं ठगेको पीडितहरुले गुनासो गरे पछि उहाँहरुलाई न्याय दिलाउन हामीले माननीय गृह मंत्रीज्यूलाई भेटेका हौँ। विदेशमा बसेर बसेर नेपालीलाई ठग्ने जो कोहीले पनि छुट पाउनु हुँदैन भन्ने हाम्रो माग हो,” गोर्खा सत्याग्रहसंग आबद्ध एकजना अभियन्ता दिपक मास्केले भने। बेलायतको बोन्ड आडम्स् एलएलपी सोलिसिटर्स फर्ममा भूतपूर्व गोर्खा परिवारका केस लैजाने नेम्वाङले बेलायतमा समेत भूतपूर्व गोर्खा सैनिकसँग हजारौं पाउण्ड ठगी गरेको आरोप लागेको छ । यसरी ठगी गरेको पैसाबाट नेम्वाङले फिदिमस्थित आफ्नो घरमा लिफ्ट जडान गरेका छन् भने लन्डनमा विलासी जीवन बिताउँदै आएका थिए। नेपाल वा बेलायतमा कुनै कानूनी अध्ययन नगरेका नेम्वाङले बेलायतमा नेम्वाङ लिमिटेड र नेपालमा दि एड्भाइजर गार्डियन कार्यालय खोलेर भूतपूर्व गोर्खा परिवारसंग पैसा उठाउने गर्दै आएका थिए ।
प्रतिक्रिया दिनुहोस्