प्रधानमन्त्री प्रचण्डका स्वकिय सचिव रमेश मल्लमाथि शक्तिको दुरूपयोग गरेको आरोप, न्याय र जीवन रक्षाको माग गर्दै खनाल मिडियामा

काठमाडौं,  काठमाडौं नागर्जुन निवासी राजेन्द्र प्रसाद खनालले आफूलाई प्रधानमन्त्री पुष्पकमल दाहालको स्वकिय सचिव रमेश मल्लले शक्तिको दुरुपयोग गरेर दुःख दिएको भन्दै न्यायको अपिल गरेका छन् ।
आज (बुधबार) रिपोर्टर्स क्लब नेपालमा पत्रकार सम्मेलन गर्दै खनालले आफूलाई प्रधानमन्त्री पुष्पकमल दाहालबाट यस घट्नाको बारेमा निश्पक्ष छानबिन भएर न्याय प्रदान हुन्छ भन्ने विश्वास रहेको बताए । उनले आफू र छोरामाथि ज्यादती गर्नेहरुमा रमेश मल्लको संरक्षणमा सरिता केसी, सुमन पुडासैनी, तारादेवी चौलागाँई, राजकुमार केसी, पशुपति बराल, दीपा बराल क्षेत्री, मुकुन्द लुईंटेल, पुरुषोत्तम खड्का, तुला मगरलगायतको नाम लिएका छन् ।
खनालले भने,‘राज्यले संरक्षण गरेको गिरोह, जुन गिरोहले पटक–पटक मान्छे फसाउँदै आएको । प्रहरीले उजुरी नलिईदिने, सम्बन्धित निकायले नसुनिदिने भएपछि म न्यायको लागि मिडियामा आएको हुँ । एउटा समूहको त्यो गिरोहलाई राज्यकै एउटा जिम्मेवार प्रधानमन्त्रीको स्वकिय सचिव रमेश मल्लबाट संरक्षण भएर जुन चिज, जुन पीडा, जुन अपराध भएको छ, त्यसको आज म खुलासा गर्न गैरहेको छु ।’
रमेश मल्लहरुले पार्टीको नाममा ब्रम्हलुट गरिरहेको खनालको आरोप छ । उनले भने,‘यो बीचमा काठमाडौंमा एउटा ठगी प्रकरण असाध्यै महँगो भयो । गोकर्ण विष्टको भतिज सुर्य विष्टलाई फसाईयो भनेर मैले पहल गरें । सूर्य विष्ट उहाँलाई चेक कटाएर, उहाँको सम्पत्ति रोका गर्दै, त्यो सम्पत्ति पनि प्राप्त भएपछि साथी भएको आधारले त्यो म भएको ठाउँमा आईपुग्यो । मेरो छोरा विशाल खनाल कानूनको विद्यार्थी हो । सरिता केसी, सुमन पुडासैनी, तुलाबहादुर मगर, अर्जुन अधिकारी, मुकुन्द लुईँटेलको गिरोहले देख्दा साथीभाई र आफन्तको रुपमा देखिने, यो गिरोहले प्रधानमन्त्री कार्यालयमा गएर मेराविरुद्ध जो अमरदिप सोसल अगाईनेजनशन–जसको म अध्यक्ष हुँ । त्यो संस्थाको संरक्षकत्व प्रधानमन्त्री नै हुनुहुन्छ । उहाँको अभिभावकत्व कायम छ । उहाँकै स्वकिय सचिव रमेश मल्लले प्रहरी आईजीलाई लगाएर मलाई र मेरो छोरा विशाल खनाललाई उठाईयो । प्रहरीले बानेश्वरबाट आकस्मिक रुपमा हामीलाई समात्यो र एयरपोर्ट लग्यो ।’
बानेश्वरबाट आफूहरु बाउ–छोरालाई समातिएपछि किन समातियो ? के गल्ती भयो ? भनेर प्रहरीलाई सोध्दा कुनै जवाफ नदिई सिधै झापा पुर्याईएको खनालले स्मरण गराए । उनले भने,‘मैले प्रहरीलाई हामीलाई किन समातियो भनेर पटक पटक सोधें । प्लेनमा राखेर झापा पुर्याईयो । त्यहाँ पुगेपछि थाहा भयो, पशुपति बराल जो मेरो कम्पनीको शेयर होल्डर हुनुहुन्छ । उहाँको जाहेरीमा मलाई झापा पुरयाईएको रहेछ । क्रसर हाम्रा नाममा पास गरिदे भनेर पटक पटक प्रेसर भयो । राम बुढाथोकी जो अहिले मेरो शेयर होल्डर हुनुहुन्छ, उहाँ पथरी इहटरीको हुनुहुन्छ । उहाहँरुबाट हामी सबैले साढे तीन करोड पैसा, कम्पनी, कम्पनीभित्र भएका गाडीहरु, जति थियो, हामीले सामूहिक रुपमा साथीहरुसँग् मिलेर चलाईरहेका थियौं । रमेश मल्लज्यूले प्रहरी आईजीलाई भनेर रातोपाटीजस्तो सम्मानित अनलाईन पत्रिका, कान्तिपुर दैनिकमा विभिन्न समाचार निकालियो । बिना दोषी, बिना कमजोरी मलाई जेल हालियो । समाचारमा ‘प्रम प्रचण्डलाई कसरी ठगे खनालले ?’, ‘न्यायाधीशमार्फत मुद्दा मिलाईदिने भनेर ३२ लाख झ्वाम’ जस्ता शीर्षकमा समाचार निकालियो । ’
आफ्नै कम्पनीका साथीहरुसँग मिलेर रमेश मल्लले आफूहरुलाई पक्राउ गरेको उनको दाबी छ । उनले भने,‘म जस्तो जिम्मेवार व्यक्ति, पार्टीको प्रदेश कमिटी सदस्य बहाल रहँदै गर्दा हाल म बाग्मती प्रदेश कमिटी सदस्य छु, हामीमाथि जघन्य अपराध गर्नुभयो । सुमन पुडासैनी ठगी केसबाट जेलबाट आएको रहेछ । सरिता केसीको श्रीमान शशि खड्का अहिल जेलमा ठगी केस र जक केसमा छन्, अर्जुन अधिकारी पनि ठगी केसबाटै आउनुभएको रहेछ । मुकुन्द लुईटेल हुनुहुँदो रहेछ । पशुपति र दीपा वराल जो मेरो शेयर होल्डर, प्रचण्डको नाम लिएर मैले ठगें भनेर कुरा आए, मैले सम्बन्धित निकायलाई न्याय दिलाउन अपिल गरेको छु । ८ लाख धेरौटी तिरेर म जेलमुक्त भएँ । २ महिना जेल बसेर आएको हुँ ।’
उनले आफूहरुजस्तो राज्यको जिम्मेवार व्यक्ति र सचेत नागरिकलाई रमेश मल्लले देशको शक्ति आफ्नो हातमा लिएर शक्तिको प्रभावमा यसरी पत्रिकामा निकाल्न कत्तिको शोभनीय हुन्छ ? भन्दै प्रश्न गरे ।
पार्टीमा रहेर पार्टीको नाममा रमेश मल्लजस्ताले सत्ता र शक्तिको दुरुपयोग गरेको खनालको आरोप छ । उनले भने,‘ राज्यको तर्फबाट यसबारेमा तटस्थ छानबिन हुनुपर्छ । प्रधानमन्त्रीज्यूलाई पनि निश्पक्ष छानबिन गर्न आग्रह गरेको छु । प्रधानमन्त्रीको नाम बेचेर दलाली गर्नुभएको छ, त्यसबारे निश्पक्ष होस । जीवन रक्षाको मागसमेत गर्दछु । माफियाहरुले गर्दा आज पार्टीको बद्नाम भएको छ । न्यायगत रुपमा जान सकेन भने हामी न्यायको लागि मानवअधिकारमा पनि राख्नेछु । अन्तर्राष्ट्रियकरण गर्नुपरे पनि गर्न चाहन्छौं । अहिले पार्टीभित्र भएका अन्यायपूर्ण गतिविधि संकलन गर्दैछौं ।’
सो क्रममा अभियन्ता लहानुराम चौधरीले १५ वर्षपछि रमेश मल्लले खनालमाथि पूनः हात हालेको टिप्पणी गरे । उनले माओवादी पार्टीमा लगानी गरेका र दुःख गरेकाहरु ओझेलमा रहेको तर रमेश मल्लजस्ता व्यक्तिहरु हाबी हुनु नै दुर्भाग्य भएको बताए ।
उनले माओवादीमा पैसा उठाउने गिरोहरु सक्रिय रहेको आरोप लगाए । ती गिरोहका सदस्यहरुलाई फाईदा हुने कुरा देखे विगत कालमा वाइसिएल प्रयोग गर्ने गरेकोमा अहिले प्रहरी प्रयोग गर्ने गरेको पनि उनको आरोप छ ।