तारकेश्वरमा बजार अनुगमन,ग्राहकले नपाएपनि पसलमा ग्याँस भेटियो, गलत तरिकाले भण्डारण गरिएको ७० केजी मासु नष्ट गरियो

रबिन थपलिया । काठमाण्डौं । तारकेश्वर नगरपालिकाको उपप्रमुख सृजना बुर्लाकोटी अर्यालको नेतृत्वमा तारकेश्वर क्षेत्रमा बजार अनुगमन गरिएको छ । बजारमा ग्याँसको कृतिम अभाव हुन नदिन तथा खाध्यान्न लगायत अन्य कुराहरुमा कृतिम मुल्यबृद्धि नियन्त्रणका लागि बजार अनुगमन थालिएको हो ।
नगरउपप्रमुखको नेतृत्वमा उपभोक्ता अधिकारकर्मीहरु, पत्रकार, नेपाल प्रहरी, नगर प्रहरी, बिषयगत शाखाका प्रमुखहरु लगायतको टोलीले तारकेश्वर नगरपालिकाको वडा नं २,७ र ८ का डिपार्टमेन्टल स्टोर, ग्याँस डिपो, मासुपसल लगायतको अनुगमन गरेको हो । अनुगमनका क्रममा जरंखु स्तीत एक मासु पसलमा गलत तरिकाले भण्डारण गरेको करिब ७० केजी मासुहरु जफत गरेर नष्ट गरिएको तारकेश्वर नगरपालिकाकी उपप्रमुख सृजना बुर्लाकोटी अर्यालले जानकारी दिनुभयो । अनुगमनका क्रममा उक्त पसलले मासु र मदिरा पसलको स्वीकृति लिएपनि मापदण्ड बिपरित एकै ठाँउमा व्यवसाय गरेको भेटिएकाले अनुगमन टोलीले सचेत गराएको छ ।
त्यस्तै जरंखु आसपासका ३ वटा ग्याँस पसलमा एक सय भन्दा बढी सिलिण्डर ग्याँस भण्डारण गरेर राखेको भेटिएको छ । व्यवसायीले उक्त ग्याँस ग्राहकलाई बिक्रीका लागि राखिएको दावी गरेका छन् । अनुगमनका क्रममा उपप्रमुख बुर्लाकोटीले बजारमा ग्याँसको अभाव रहेकाले तत्काल पालो कुरेर बसेका ग्राहकहरुलाई बितरण गर्न निर्देशन समेत दिनुभयो ।
अनुगमन टोलीले तारकेश्वर नगरपालिका वडा नं ७ स्थीत एक गार्मेन्ट तथा तारकेश्वर सरसफाई केन्द्रको प्रशोधन केन्द्रको समेत अनुगमन गरेको छ । गामेन्टको स्वीकृती लिएर गार्मेन्टका कपडाहरु रंगाउने तथा फोहरपानीहरु सिधै खोलामा पठाउने गरेको भेटिएकाले उक्त कार्य तत्काल बन्द गरेर नगरपालिकामा सम्पर्क राख्न समेत टोलीले निर्देशन दिएको छ । सो अवसरमा तारकेश्वर नगरपालिकाको फोहरमैला व्यवस्थापको काम गर्ने तारकेश्वर सरसफाई केन्द्रकोको फोहर प्रशोधन केन्द्रमा व्यवस्थीत रुपमा फोहरको व्यवस्थापन गरेको भेटिएपछि नगरउपप्रमुखले उक्त केन्द्रका प्रमुख केदार खत्रीलाई धन्यवात समेत दिनुभयो ।

fgfg