राष्ट्रिय खेलकुद परिषद्ले भुकम्प पीडित परिवारलाई एक दिनको पारिश्रमिक वापतको रु ९ लाख ६० हजार ६८ रुपैयाँ ९४ पैसा उपलव्ध गराउने निर्णय

जाजरकोट, जाजरकोट केन्द्रविन्दु बनाएर यहि कात्तिक १७ गते शुक्रबार राती गएको भुकम्पबाट पुगेको मानविय क्षति प्रति राष्ट्रिय खेलकुद परिषद्ले दुख व्यक्त गरेको छ । साथै भुकम्प पीडित परिवारलाई राहत उपलव्ध गराउन परिषद्ले पदाधिकारी तथा कर्मचारीहरुको एक दिनको पारिश्रमिक वापतको रु ९ लाख ६० हजार ६८ रुपैयाँ ९४ पैसा उपलव्ध गराउने निर्णय गरेको छ ।
राष्ट्रिय खेलकुद परिषद्का सदस्य–सचिव टंकलाल घिसिङको अध्यक्षतामा आइतबार बसेको बैठकले परिषद्का पदाधिकारी तथा सम्पूर्ण कर्मचारीहरुको एक दिन बरावरको पारिश्रमिक वापतको उक्त रकम उपलब्ध गराउने निर्णय गरेको हो । बैठकमा परिषद्का उपाध्यक्ष शिव कोईराला, सदस्यहरु, विभागीय प्रमुख, शाखा प्रमुख तथा राष्ट्रिय खेलकुद परिषद् कर्मचारी संघका पदाधिकारीहरुको उपस्थिति रहेको थियो ।
बैठकले भूकम्प परि ज्यान गुमाउने सम्पूर्ण नेपालीहरु प्रति हार्दिक श्रद्धन्जली अर्पण गर्दै शोकाकूल परिवारमा हार्दिक समवेदन व्यक्त गरेको छ ।