कम्युनिस्ट नेताहरु पदको लागि रातिराति जाजुससँग बैठक गर्छन् : डा. रावल

काठमाडौं । सत्ता र शक्ति स्वार्थका नेपाली कम्युनिस्टहरु मूल्य, मान्यता, विचार र सिद्धान्तबाट च्यूत हुँदै पथविचलन भएको बक्ताहरुको बताएका छन् । शनिबार राजधानीको संवाद डबलीमा ‘प्रगतिशील रुपान्तरण अभियान’ ले आयोजना गरेको सो कार्यक्रममा कम्युनिस्टहरुले जनअधिकार, राष्ट्र र राष्ट्रियतालाईसमेत लिलाम गरेको आरोप लगाउँदै महाविचलनको बाटोतिर हिडेको चिन्ता समेत व्यक्त गरेका छन् ।
नेकपा एमालेका नेता डा.भीम रावलले उत्पीडित जनताको अधिकार, राष्ट्र र राष्ट्रियताको रक्षाको नारा दिँदै नेपाली कम्युनिस्टहरु सत्तामा जाने तर त्यही सिद्धान्त र प्रतिबद्धताविरुद्ध जाने प्रवृत्ति घातक भएको बताए । सत्ता र शिक्तको लागि जुनसुकै हदसम्म जाने प्रवृत्तिले जनताको कम्युनिस्टप्रति विश्वास घटेको बताए । “पदका लागि रातिराती जासुसहरुसँग मिटिङ, देश फुटाउँछु भन्नेलाई मन्त्री बनाउनेहरु विचलन मात्रै हैन महाविचलनमा गइसके” रावलले भने । उनले नेकपा एमाले र नेकपा माओवादी सत्तामा पुगेपछि आफूले उठाउँदै आएका कुराहरु छोड्ने गरेको बताए ।
नेकपा (माओवादी केन्द्र)का नेता राम कार्कीले आफ्नो पार्टीमा मात्रै नभएर सबै कम्युनिस्ट पार्टीहरुमा आलोचनात्मक विचार रोक लगाएको बताए ।
“कसैले रचनात्मक टिप्पँण गरे उसको भविश्य भोलिबाटै सकिन्छ, जसले भक्ति गान गायो उसैको भलो हुन्छ, पार्टी,जनता भडमा जाओस् । तर सहि र गलतबीच लडाइँ चलिरहन्छ आशा गरौं, कुनै दिन कम्युनिस्टहरुमा आलोचनात्मक टिप्पाणी संस्थागत हुने छन्, सिद्धान्ताको रक्षा हुनेछ” कार्कीले भने ।
नागरिक अगुवा श्याम श्रेष्ठले कम्युनिस्टहरुले आधारभूत इमान्दारितालाई नै त्ययागेर सत्ता स्वर्थमा चुर्लुम्म हुँदा विगतको संघर्षका उपलब्धिहरु पनि गुम्न लागेकोले आफूहरुले विचलनलाई रोक्न नयँ अभियान चलाउन लागेको जानकारी दिए । उनिहरुमा सबैभन्दा बढी अवसरवाद मौलाएको बताउँदै श्रेष्ठले भने, “हिजो चप्पलेहरु एकाएक महले बन्ने र जनताको अवस्था ज्यूँकात्यूँ बनेपछि यसलाई पथविचलन मात्रै हैन पथभ्रष्ट भएन र भन्या । जनवादी केन्द्रीयता भने पनि हनुमाने प्रवृत्ति मौलाउनु, देश,वर्ग र पार्टीप्रति प्रतिबद्ध भन्दा अवसरमुखि हुनु आजको मुख्य समस्या हो ।”
वैज्ञानिक समजवादी पार्टी, नेपालकाका संयोजक विश्वभक्त दुलाल ‘आहुती’ ले कम्युनिस्टहरुले जुन व्यवस्थाको विरोध गर्दै सत्तामा पुग्छन् त्यसैको मतियार हुनेगरेकोे बताउँदै उनले भने,“दलाल पुँजीवादी व्यवस्थाको सत्तोसराप गर्छन् सत्तामा गएर, त्यही मान्छे त्यही व्यवस्थाको दलाल बन्छन् अनि कहाँबाट आउँछ समाजवादी व्यवस्थ, जनताले तिनलाई कसरी पत्याई दिने ।” कम्युनिस्ट सिद्धान्त र नेपाली समाज उत्पादन संयन्त्र परिवर्तन नभएसम्म परिवर्तन नहुने आहुतीको दाबी छ ।
त्यसैगरी डा.महेश मास्केले नेपाली कम्युनिस्टको विचार र व्यवहारमा तालमेल नभएको बताए । उनले कम्युनिस्टहरु शक्तिमा आउँदा पनि एकजुट हुन नसकेको बताउँदै उत्पादन र वितरणमा कम्युनिस्टहरु चुकेको बताए ।
अन्तरक्रियात्मक उक्त कार्यक्रमको डा.शरद वन्तले सञ्चालन गरेका थिए ।