रक्षा संवाददाता अभिमुखीकरण कार्यक्रम सुरु

सगरमाथा पोस्ट
सगरमाथा पोस्ट २५ बैशाख २०८१, मंगलवार
1 Min Read
Aa

काठमाडौं ।  पश्चिम पृतनाको जिम्मेवारी क्षेत्र अन्तर्गतका जिल्लाहरूमा रहेका विभिन्न सञ्चार माध्यमहरूमा आबद्ध २५ (पच्चिस) जना सञ्चारकर्मीहरूको सहभागितामा रक्षा संवाददाता अभिमुखीकरण कार्यक्रम (Defence Correspondent Orientation Programme, DCOP) आज मिति २०८१ वैशाख २५ गते श्री पश्चिम पृतना हे.क्वा, विजयपुर ब्यारेक, पोखरामा सुरु भएको छ ।

कार्यक्रमको थालनी गर्दै पश्चिम पृतनाका पृतनापति उपरथी श्री सन्तोष बल्लभ पौड्‍यालले फरक विशेषता भएको सैनिक संगठन र सञ्चार जगतको समन्वय विन्दुको पहिचान गरी राष्ट्रिय सुरक्षा प्रवर्धन तथा जनताको सुसूचित हुन पाउने अधिकारको संरक्षण समानान्तर रूपमा गर्न आवश्यक रहेको बताउनु भयो ।

चार दिनसम्म सञ्चालन हुने अभिमुखीकरण कार्यक्रममा नेपाली सेनाको सङ्गठनात्मक स्वरूप, जिम्मेवारी तथा भूमिका एवं मुख्य गतिविधिहरूको बारेमा जानकारीमूलक प्रस्तुतीकरण तथा अन्तरक्रिया सञ्चालन गरिनेछ । कार्यक्रममा जनसम्पर्क तथा सूचना निर्देशक सहायक रथी श्री गौरव कुमार के.सी. लगायत अधिकृतहरूको उपस्थिति रहेको थियो ।

Print Friendly, PDF & Email

प्रतिक्रिया दिनुहोस्

Array