रबिन थपलिया । काठमाण्डौं । बैशाख २७ । तारकेश्वर नगरपालिकाको नगरस्वास्थ्य शाखा र नेपाल रेडक्रस सोसाइटीको सहकार्यमा तारकेश्वर नगरपालिका वडा नं १० स्थीत लोकतान्त्रीक चोकमा रक्तदान कार्यक्रम हुने भएको छ ।
नगरस्वास्थ्य शाखाको आयोजनामा यहि बैशाख २९ गते शनिबार बिहान ११ बजे देखि ३ बजे सम्म रक्तदान कार्यक्रम आयोजना गरिएको तारकेश्वर नगर स्वास्थ्य शाखाका प्रमुख बिनोद कुमार शाहले जानकारी दिनुभयो । शाहका अनुसार नगर स्वास्थ्य शाखाको कार्यक्रम अन्तर्गत तारकेश्वरका ११ वटै वडाहरुमा यस्ता रक्तदान कार्यक्रम आयोजना गरिनेछ । शाखाको आयोजनामा तारकेश्वरका वडा नं २,४ र ११ मा रक्तदान कार्यक्रम सम्पन्न भइसकेको छ । उक्त वडाहरुमा एक सय पिन रगत संकलन भएको तारकेश्वर नगरस्वास्थ्य शाखाका अधिकृत गणेश कुंवरले बताउनुभयो ।
तारकेश्वर नगरपालिका वडा नं १० का अध्यक्ष कुमार राईले सुचना प्रकाशन गदै बैशाख २९ गते तारकेश्वर १० को लोकतान्त्रीक चोकमा आयोजना हुने रक्तदान कार्यक्रममा सहभागी हुन सम्पुर्ण वडाबासीहरुलाई आग्रह गर्नुभयो । गत बर्ष लोकतान्त्रीक चोकमा आयोजना गरिएको रक्तदान कार्यक्रममा ६० जना भन्दा बढी रक्तदाताले रक्तदान गरेका थिए । कार्यक्रममा रक्तदान गर्ने रक्तदाताहरुलाई तारकेश्वर नगरपालिकाको तर्फबाट प्रमाणपत्र प्रदान गरिने नगरस्वास्थ्य शाखाले जनाएको छ ।
तारकेश्वर नगरपालिकाका प्रमुख कृष्ण हरि महर्जनको पहलमा गत बर्ष तारकेश्वर नगरपालिका र नेपाल रेडक्रस सोसाइटी बिच नगरवासीहरुलाई निशुल्क रगत उपलव्ध गराउने सम्बन्धी सम्झौता भएको थियो । सम्झौता पछि तारकेश्वर नगरपालिकाका स्थायीबासीहरुले नेपाल रेडक्रस सोसाइटीको ब्लड बैक बाट रगत लिंदामा कुनै शुल्क तिनुपदैन् । रेडक्रसले सबै बिरामीहरुलाई निशुल्क रगत उपलव्ध गराएपनि रगतको क्रसम्याच लगायतको लागि भने शुल्क लिने गरेको छ । तारकेश्वर नगरपालिकासंगको सम्झौता पछि रेडक्रसले तारकेश्वर नगरपालिकाका स्थायीबासी नागरिकहरुले उपचारका लागि रगत लिंदामा शुल्क भने लिने छैन् ।
प्रतिक्रिया दिनुहोस्