थाइल्यान्डमा रेल दुर्घटना हुँदा कम्तीमा २२ जनाको मृत्यु

बैंकक,  थाइल्यान्डमा उच्च गतिको रेल परियोजना अन्तरगतको रेल बुधबार एउटा क्रेन खस्किएर लिगबाट खसेर दुर्घटनाग्रस्त हुँदा कम्तीमा २२ जनाको मृत्यु हुनुका साथै धेरै घाइते भएको स्थानीय अधिकारीले बताएका छन् । एएफपीले सार्वजनिक गरेको भिडियो फुटेजमा रेलको क्षेतिग्रस्त संरचना विशाल कन्क्रिटका खम्बामा रहेको र तल रेलको भग्नावशेषबाट धुवाँ उडेको देखाइएको छ । उद्धार कर्ताले राजधानी बैँकको उत्तरपूर्वमा रहेको नाखोन रत्चासिमा प्रान्तमा दुर्घटनाग्रस्त रेलबाट यात्रु निकाल्ने काम गरेको जनाइएको छ ।

जिल्ला प्रहरी प्रमुख थाचापोन चिन्नावोङलाई उदृत गर्दै एएफपीले दुर्घटनामा २२ जनाको मृत्यु हुनुका साथै ८० जना घाइते भएको जनाएको छ । चिनको ५.४ अर्ब डलरको सहयोगमा थाइल्यान्डमा निर्माण गरिएको उच्च गतिको रेल परियोजनामा निर्माण स्थलमा दुर्घटना भएको जनाइएको छ ।

चीनको विशाल “बेल्ट एन्ड रोड” पूर्वाधारको एक हिस्साको रूपमा यस परियोजनालाई सन् २०२८ सम्ममा लाओस हुँदै बैंककलाई चीनको कुनमिङसँग जोड्ने लक्ष्य राखिएको छ । रेलको एउटा क्रेन रेलको लिगबाट निस्केर खस्दा दुर्घटना भई आगलागी समेत भएको नाखोन रत्चासिमाको प्रान्तीय जनसम्पर्क विभागले विज्ञप्ति मार्फत जनाएको छ ।

स्थानीय मिडियाले प्रसारण गरेको प्रत्यक्ष फुटेजमा उद्धारकर्मी घटना स्थलमा हतार-हतारमा उद्धार गरिरहेको देखिएको छ भने भग्नावशेषबाट धुवाँ निस्किँरहेको र रेलको लिग बाट एउटा बट्टा झरेको देखिन्छ । प्रहरी प्रमुख थाचापोनले अधिकारीले घटना स्थलमा “रासायनिक चुहावट”का कारण उद्धार कार्य रोकेको पुष्टि गर्नु भएको छ । रेल बैंककबाट उबोन रत्चथानी प्रान्ततर्फ गइरहेको अवस्थामा दुर्घटना भएको नाखोन रत्चासिमाको प्रान्तीय विभागले जनाएको छ ।

यातायात मन्त्री फिपट रत्चाकितप्रकरणले रेलमा १९५ जना सवार रहेको पुष्टि गर्दै मृतकको पहिचान गर्न अधिकारी निरन्तर लागि रहेको बताउनु भएको छ । उहाँले दुर्घटनाको कारण पत्ता लगाउन अधिकारीलाई आदेश दिएको विज्ञप्तिमा उल्लेख गरिएको छ । निर्माणधिन ६०० किलोमिटरको उच्च गतिको रेल परियोजना पूरा भएपछि रेल लाओससँगको मेकोंग नदीको सिमानामा रहेको बैंककबाट नोङ खाईसम्म २५० किलोमिटर प्रति घण्टासम्म चल्ने छ ।

यस अघि सन् २०२३ मा, पूर्वी थाइल्यान्डमा रेल ट्रयाक पार गर्ने पिक अप ट्रकमा ठोक्किएपछि मालवाहक रेलले आठ जनाको ज्यान लिएको थियो । सन् २०२० मा धार्मिक समारोहमा यात्रु बोकेको बसमा दुर्घटना हुँदा मालवाहक रेलमा कम्तीमा १८ जनाको मृत्यु भएको थियो भने ४० जना भन्दा बढी घाइते भएका थिए । रासस/एएफपी