नेपाल बिमा प्राधिकरणको अध्यक्षमा सचिव चन्द्रकला पौडेल

Sagarmatha Post
Sagarmatha Post १३ माघ २०८२, मंगलवार
1 Min Read
Aa

सरकारले संघीय मामिला तथा सामान्य प्रशासन मन्त्रालयकी सचिव चन्द्रकला पौडेललाई नेपाल बिमा प्राधिकरणको अध्यक्ष पदको जिम्मेवारी दिएको छ।सोमबार बसेको मन्त्रिपरिषद् बैठकले अर्को व्यवस्था नभएसम्मका लागि पौडेललाई प्राधिकरणको सञ्चालक समिति अध्यक्षको रूपमा तोक्ने निर्णय गरेको सरकारका प्रवक्ता तथा गृहमन्त्री ओमप्रकाश अर्यालले जानकारी दिए।

बैठकले विभिन्न पाँचवटा जलविद्युत् आयोजनालाई वन क्षेत्रको प्रयोग गर्न स्वीकृति दिने निर्णय पनि गरेको छ। गृहमन्त्री अर्यालका अनुसार सुतिखोला जलविद्युत आयोजना, तामाकोसी पाँचौँ जलविद्युत् आयोजना, माथिल्लो संखुवासभा जलविद्युत् आयोजना र सेतीखोला जलविद्युत् आयोजनालाई राष्ट्रिय वन क्षेत्रको प्रयोग गर्न अनुमति दिइएको छ। सरकारले यसअघि पनि वन क्षेत्र प्रयोगसम्बन्धी विभिन्न परियोजनालाई स्वीकृति दिँदै आएको छ। यसले देशका ऊर्जा आयोजनाहरूलाई अगाडि बढाउन सहयोग पुग्ने अपेक्षा गरिएको छ।

Sagarmatha Post

प्रतिक्रिया दिनुहोस्