राष्ट्रिय सभामा स्वास्थ्य बीमाको विषय उठेको छ । शुक्रबार शून्य समयमा बोल्दै राष्ट्रिय सभा सदस्य तुलसा कुमारी दाहालले स्वास्थ्य बीमा व्यवस्थापनबारे सरकारसँग स्पष्ट जवाफ मागेकी हुन्।उनले अस्पताल र विभिन्न संस्थाहरूले बीमाबापतको रकम नपाएको समाचार आइरहेको उल्लेख गर्दै यस विषयमा प्रधानमन्त्रीले चासो देखाएको सुनिए पनि वास्तविक व्यवस्थापन के भइरहेको छ भन्नेबारे सदनलाई जानकारी गराउन माग गरिन्। ‘अस्पतालहरूले रकम नपाएको गुनासो आइरहेको छ। प्रधानमन्त्रीले चासो लिनुभएको कुरा पनि सुनिएको छ। तर यसको व्यवस्थापन के भइरहेको छ भन्ने विषयमा सदनलाई जानकारी गराउनुपर्छ,’ दाहालले भनिन्।
प्रतिक्रिया दिनुहोस्