‘प्रधानमन्त्री राष्ट्रिय प्रतिभा पुरस्कार–२०७५’ डा रुइतलाई  |  टावरमा आगजनीपश्चात् सञ्चारविहीन  |  राष्ट्रपतिबाट नेपाली दिदीबहिनीमा सुखशान्ति, पारिवारिक सद्भाव, सुस्वास्थ्य र दीर्घजीवनको कामना  |  खोलाको जग्गा धितो राखेर ऋण  |  स्क्रब टाइफसका कारण मृत्युदर घट्दै, सङ्क्रमण बढ्दै  |  चन्दागिरि साकोसको वार्षिक समिक्षा तथा योजना गोष्ठी सम्पन्न  |  ओम अस्पतालको गम्भीर लापरबाही, पत्थरीको अप्रेसन गर्न हाँस्दै अप्रेसन थिएटर गएकी युवतीको ज्यानै गयो  |  म्यान्मामा राष्ट्रिय दिवस  |  उद्योग सङ्घद्वारा औद्योगिक विकासका लागि अवधारणा सार्वजनिक  |  गोङ्गबुबाट १४ जुवाडे पक्राउ
प्रमुख समाचार
Aug 29, 2019
‘भिडियो कन्फ्रेन्सको विरोध गर्नु औचित्य छैन’
काठमाडौँ, भदौ १२ राष्ट्रियसभाको बैठकको विशेष समयमा सांसद शेरबहादुर कुँवरले पछिल्लो सयम अछाममा प्राकृतिक विपद्अन्तर्गत चट्याङबाट चार जना मृत्यु, २८४ घाइते र १७ भन्दा चौपाया मृत्यु भएको तर्फ सदनको ध्यानाकर्षण गराउनुभएको छ । उहाँले भन्नुभयो, “ चट्याङबाट विशेष गरी अछामको पञ्चदेवल विनायक नगरपालिका क्षेत्र बढी पीडित छ । तत्काल भूगर्भविद् पठाई के कारणले सो क्षेत्रमा चट्याङ प¥यो, जानकारी दिनुप¥यो । नियन्त्रणमा कार्ययोजना ल्याउनुप¥यो । जोगिन जनचेतनाका कार्यक्रम सञ्चालनसमेत गर्नुप¥यो ।” सांसद राधेश्याम अधिकारीले सिङ्गापुरमा स्वास्थ्योपचार गरिरहनुभएका प्रधानमन्त्री केपी शर्मा ओलीले हालै सूचना प्रविधिको प्रयोग गरी मन्त्रिपरिषद्को बैठक सम्पन्न गर्नुभएकामा सरकारको गोपनीयता धरापमा परेको टिप्पणी गर्नुभयो । उहाँले भन्नुभयो, “भिडियो कन्फ्रेन्सबाट मन्त्रिपरिषद्को बैठक गर्दा सरकारको गोपनीयता कसरी जोगियो ?” सांसद वृषेशचन्द्र लालले संसदीय गतिविधिप्रति सरकारलाई उत्तरदायी बन्न आग्रह गर्दै भूमिसम्बन्धी ऐनमा भूमि व्यवस्था, सहकारी तथा गरीबी मन्त्रीले सदनमा गलत सूचना दिएको बताउनुभयो । उहाँले भन्नुभयो, “राज्यशक्तिको बाँडफाँट संविधानअनुसार हुनुपर्छ ।” सांसद नैनकला ओझाले सुकुम्वासी र भूमिहीनका समस्या समाधान गर्न तथा सरकारी अस्पतालमा बिग्रेका उपकरण मर्मतमा ध्यान दिन आग्रह गर्नुभयो । उहाँले भन्नुभयो, “सरकारी अस्पतालका उपकरण बिग्रेका कारण जनताले दुःख पाइरहेका छन् तर मन्त्रालयले ध्यान दिएको छैन ।” सांसद अनिता देवकोटाले राप्ती स्वास्थ्य विज्ञान प्रतिष्ठानका रजिष्ट्रार रामप्रसाद प्याकुरेलमाथि बुधबार भएको साङ्घातिक हमलाको निन्दा गर्दै आक्रमणकारीमाथि किटानी जाहेरी दिँदा पनि प्रहरीले पक्राउ नगरेकामा सरकारको ध्यानाकर्षण गराउनुभयो । उहाँले भन्नुभयो, “प्रतिष्ठानको पूर्वाधारमा सरकारले ध्यान गएको छैन । रु दुई करोडले के बन्छ ? सरकारले आफ्नो गोपनीयतामा ध्यान दिनुप¥यो ।” सांसद रामनारायण बिँडारीले सूचना प्रविधिबाट सरकारको गोपनीयता नजाने विचार राख्दै अत्याधुनिक सूचना प्रविधि प्रयोग गरी भिडियो कन्फ्रेन्सबाट प्रधानमन्त्री ओलीले सिङ्गापुरबाट मन्त्रिपरिषद् बैठक बस्नु स्वागतयोग्य कुरा हो भन्नुभयो । उहाँले भन्नुभयो, “ भिडियो कन्फ्रेन्सको विरोध गर्नु कुनै औचित्य छैन ।” डेङ्गु नियन्त्रण गर्न माग शून्य समयमा सांसद उदया शर्मा पौडेलले लामखुट्टेका कारण डेङ्गु रोगको प्रकोप देशभरि फैलिँदा पनि स्वास्थ्य तथा जनसङ्ख्या मन्त्रालयको काम प्रभावकारी नदेखिएको बताउँदै तत्काल लामखुट्टे नियन्त्रणका लागि ध्यान दिन आग्रह गर्नुभयो । उहाँले भन्नुभयो, “सरकारले लामखुट्टेको टोकाइबाट जोगिन वितरण गर्न मगाएको झुल भन्सार कार्यालयमा रोकिएको छ भन्ने सुनेको छु, यो के भएको हो ? जवाफ दिनुप¥यो । जनचेतनाका कार्यक्रम ल्याउनुप¥यो ।” सांसद खेमकुमार विश्वकर्माले नेपाल भ्रमण वर्ष सफल बनाउन सबैको साथ र सहयोग आवश्यक रहेकामा जोड दिँदै तीनकुनेको खुला चौरमा आकर्षक बगैँचा निर्माण गर्न सुझावसमेत दिनुभयो । सांसद चक्रप्रसाद स्नेहीले कानून सबै जनताका लागि समान हुने बताउँदै भीडतन्त्रले कानूनलाई हात लिने काम रोक्न सरकारले ध्यान दिनुपर्छ भन्नुभयो । –––


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video