धर्म/संस्कृति
Feb 02, 2020
महोत्सवमा प्रवचन गरेबापतको पारिश्रमिक नलिने : पण्डित दीनबन्दु पोखरेल
चितवन  माघ १९ । पण्डित दीनबन्दु पोखरेलले चितवनको रामपुरमा निर्माणा धिन रंगशालामा आइतबारदेखि सुरु हुन लागेको धनधान्याचल महोत्सवमा प्रवचन गरेबापतको पारिश्रमिक नलिने भएका छन् । उनले जनस्तरबाट निर्माण हुने रंगशालाका लागि पारिश्रमिक नलिने बरु थप दान गर्ने बताएका हुन् ।उनले अन्य महायज्ञबाट लाखौं रुपैंया पारिश्रमिक लिने गरेका थिए ।
‘चितवनको रामपुरमा निर्माणा धिन रंगशालामा सारा देशभरका नेपालीको भावना जोडिएको छ, उनले भने’, यो अभियानमा सबैले सकेको सहयोग गरौं ।’ उनले आफ्नो तर्फबाट पनि महा यज्ञमा दान गर्नका लागि देश विदेशमा रहेका नेपालीहरुलाई आग्रह गरेको बताए । ‘रंगशाला स्थलमा हुने महायज्ञमा सहभागी हुनका लागि नै अमेरिका लगाएतका देशबाट नेपाली दाजुभाई दिदिबहिनीहरु आउँदै हुनुहुन्छ, उनले भने’,यो अभियान विश्वव्यापी भइसकेको छ।’
२६ गतेसम्म चल्ने धनधान्याचल महोत्सवको २२ बिधाका २२ जना ख्यातीप्राप्त खेलाडीहरुले एक साथ उद्घाटन गर्ने प्रदेश सांसद समेत रहेका मुल आयोजक समिति संयोजक बिजय सुबेदीले जानकारी दिए । उद्घाटन समारोहलाई भव्य बनाउन मह जोडीको रुपमा चर्चित हाँस्य कलाकार मदन कृष्ण श्रेष्ठ र हरिबंश आचार्यको बिशेष उपस्थिती रहने सुवेदीले बताए ।
मह जोडीले दीप प्रज्वलन गरेर उद्घाटन गर्ने उनले बताए । उद्घाटन दिउसो २ बजे हुनेछ ।त्यसअघि बिहान झाँकीसहितको वृहत शोभायात्रा निकालिने उनले जानकारी दिए । बिहान ११ बजे मंगलपुर बजारबाट शुरु हुने शोभा यात्रा गाबिसचोक हुँदै रंगशाला स्थित धनधान्याचल महोत्सव परिसरमा पुग्ने उनले बताए । आफ्नो संघसंस्थाको ब्यानरसहित शोभायात्रामा उपस्थित हुने सुबेदीले सबैलाई आग्रह गरेका छन् ।

सुवेदीले महायज्ञमा सकेसम्म कम खर्च गर्ने र सम्भव भएसम्म सौजन्यबाट काम गरिरहेको बताए ।यसैबीच आइतबार बाट शुरु हुने महोत्सवको सम्पूर्ण तयारी पुरा भएको मुल आयोजक समितिका महासचिव दिनेश कुमार चुकेले जानकारी दिएका छन् । पण्डित दीन बन्धु पोखरेलबाट वाचन हुने श्रीमद्भागवत माहापुराणमा भजनकिर्तनका साथमा विविध धर्मका आध्यामिक प्रवचन, सामाजिक, सांस्कृतिक मनोरञ्जानात्मक कार्यक्रम समेत हुनेछ ।

महोत्सव लाई सफल पार्न १ हजार १ सय ११ सदस्यीय मुल समारोह समिति, सो समिति मातहत ५९ वटा विभिन्न उपसिमित र २ सय ८३ सदस्यीय सचिवालय गठन गरिएको छ । चितवनका ७ र नवलपुरको एक स्थानीय तहका प्रमुखहरुको नेतृत्वमा स्थानीय तह स्तरीय समिति, हरेक वडामा वडाध्यक्षको नेतृत्वमा वडास्तरीय समिति, टोल विकास संस्थाका अध्यक्षहरुको नेतृत्वमा सहयोग समिति गठन गरी हरेक घर र हरेक ब्यक्ति समक्ष रंगशाला निर्माणको प्रचारप्रसार र सहयोगको लागि अपिल गरिएको छ ।

उद्योग बाणिज्य महासंघ, उद्योग संघ, उद्योग परिसंघ, एन आरएनए, लायन्स तथा जेसिज लगायत विभिन्न सामाजिक संघ संस्थाहरुलाई केन्द्र मार्फत हरेक जिल्ला तथा त्यस मातहत रहेका निकायलाई महायज्ञमा जोड्ने प्रयास गरिएको मूल आयोजक समितिका महा सचिव दिनेश चुकेले जानकारी दिए । देशभरका ७५३ स्थानीय तह र ७७ वटै जिल्लालाई सहयोगका लागि अनुरोध पठाइएको छ ।महोत्सवबाट ५०रकम संकलन हुने अनुमान गरिएको छ भने ७६ लाख ७६ हजार खर्च हुने आयोजकको अनुमान रहेको छ । करिब ३ अर्ब लागतमा २ बर्ष भित्र सम्पन्न गर्ने योजनासहित चितवनको रामपुरमा ३० हजार दर्शक क्षमताको गौतमबुद्ध अन्तर्राष्ट्रिय क्रिकेट रंगशाला निर्माण भईरहेको छ ।
koshidaily



प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video