मन्त्री अधिकारीसहित सात जना सवार हेलिकप्टर दुर्घटना भएको एक वर्ष पूरा  |  मुलुक छोड्ने कल्पना पनि गरेको छैन् : सुजाता कोइराला  |  बानेश्वरको पार्टी प्यालेसमा दुलही लिन दुलाहानै नआएपछि....  |  विश्वभरिबाट नेपालीभाषी साहित्यकार धनगढी आउनेक्रम जारी  |  मिथिला संस्कृति अध्ययन केन्द्र बन्दै  |  भीमेश्वर मन्दिरमा क्षमा पूजा  |  आज मिति २०७६ फागुन १५ गते विहिबार, तपाँईको आज कस्तो रहने छ ? हेरौ राशिफल  |  प्रधानसेनापति पूर्णचन्द्र थापाद्वारा पोखरामा नवनिर्मित सैनिक अस्पतालको उद्‍घाटन  |  गौतमलाई राष्ट्रियसभा सदस्य बनाउन सरकारलाई अनुरोध गरिने  |  उत्कृष्ट मानवीय सेवा दिन प्रहरी महानिरीक्षकको आग्रह
समाज
Aug 02, 2019
तरकारी बाली सुक्न थालेपछि किसान चिन्तित
इनरुवा, साउन १७ सुनसरीको देवानगञ्ज गाउँपालिका–१ का प्रभु मेहताले पाँच कट्टामा भन्टा खेती गर्नुभएको थियो । करीब १५ हजारको लागतमा उहाँले लगाउनुभएको भण्टा एक्कासि सुक्न थालेकाले अहिले उहाँ चिन्तित हुनुभएको छ । घर खर्च चलाउनका लागि मुख्य स्रोतको रुपमा रहेको तरकारी खेती असार अन्तिम साता आएको बाढीले सखाप बनाएकाले अहिले उहाँलाई घरपरिवार कसरी चलाउने भन्ने चिन्ताले सताएको छ । उहाँजस्तै देवानगञ्ज–५ का भोलाप्रसाद मेहताले समेत पाँच कट्टामा खुर्सानी खेती गनुुभएको थियो । करीब रु ३५ हजारको लागतमा लगाइएको खुर्सानी सुक्न थालेपछि उहाँलाई पनि चिन्ताले सताएको छ । घरमा भएको रकम र ऋण काढेर लगानी गरेर केही आम्दानी होला र घरपरिवार चलाउँला भन्ने आशामा गरेको व्यवसाय सुक्न थालेपछि अब के गर्ने र कसरी परिवार चलाउने भन्ने चिन्ताले उहाँलाई पनि सताएको छ । महँगो बीउ, मल र मजदूर लगाएर मेहताद्वयले गर्नुभएको खेती सुक्न थालेपछि उहाँहरुलाई हातमुख जोड्नसमेत समस्या भएको छ । तरकारी खेतीकै भरमा घरपरिवार चलाउँदै उहाँहरूले केही कमाउने भन्ने आशले गरेको व्यवसाय चौपट हुन थालेकाले लगानीसमेत नआउने भएपछि उनीहरुलाई हास्नु न रुनुजस्तै भएको हो । उक्त गाउँपालिकामा मात्रै बाढीका कारण करीब ५० बिघा तरकारी बाली सुक्न थालेको अनुपम तरकारी कृषि सहकारी सस्ंथाका अध्यक्ष रामवृक्ष मेहताले बताउनुभयो । सहकारीबाट लिएको ऋणले तरकारी खेती गरेका कृषकले त्यसैको आम्दानीले ऋण पनि तिर्ने र घरपरिवार पनि चलाउने आशा गरे पनि आशा निरासामा परिणत भएका हुन् । –––


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video