सार्वजनिक विदा पूर्नस्थापना नगरे आँफै विदा घोषणा गर्छौं ः नेपाल आदिवासी जनजाति महासंघ  |  एक साताभित्र माग सम्बोधन नभए आन्दोलनमा उत्रिने जनमुक्ति सेना घाइते तथा अपाङ्ग संघ नेपालको चेतावनी  |  नेपाल आईडलकी अस्मिता र डा रिजालले संगै गित गाए  |  निर्मला हत्या प्रकरणः गल्ती गरेको भए बर्दि फुकाल्छुः खनाल  |  एकै दिन तीन पत्नीसँग सम्बन्धविच्छेद !  |  स्टान्र्डड चार्टड बैंकको सेयर मुल्य निकै खस्कियो, सेयरधनीहरु आक्रोशित, साधारण सभामा बिवाद हुने भएपछि आर्मी क्वलमा सभा आव्हान  |  प्रहरी नियमावलीको बाधा खुले, एसएसपी बढुवाका लागि डेढ दर्जन प्रतिस्पर्धी  |  जिल्ला पुनर्निर्माण समन्वय समिति ललितपुरको बैठक , स्थानीय तहहरुसँग समझदारी पत्रमा हस्ताक्षर  |  विभिन्न तहका सरकारबीच समन्वय नहुँदा निर्माण व्यवसायी चर्को मारमाः महासंघ  |  राजदूतको नाम सर्वसम्मतिले अनुमोदन
मनाेरञ्जन/रोचक
Oct 12, 2018
‘जगदम्बा–श्री र मदन पुरस्कार’ प्रदान
 काठमाडौँ,  असोज  २६ ।  मदन पुरस्कार गुठीले विसं २०७४ को ‘जगदम्बा–श्री’ र ‘मदन पुरस्कार’ प्रदान गरेको छ । 

ललितपुरको पाटनढोकामा  आयोजना गरेको समारोहमा गुठीका अध्यक्ष कुन्द दीक्षितले ती पुरस्कार हस्तान्तरण गर्नुभयो । 

गुठीले विसं २०७४ को ‘जगदम्बा–श्री पुरस्कार’ बाल साहित्यकार शान्तदास मानन्धरलाई र मदन पुरस्कार ‘योगमाया’ उपन्यासका लागि उयन्यासकार नीलम कार्की निहारिकालाई प्रदान गरेको हो । 

बाल साहित्यको विकास, विस्तार तथा प्रवद्र्धनमा पाँच दशकदेखि मानन्धर समर्पित हुनुहुन्छ । पुरस्कार वर्षभरी प्रकाशित उत्कृष्ट कृतिमध्ये एक कृतिलाई र जगदम्बा–श्री नेपाली भाषा, संस्कृति, साहित्य लगायतका विविध क्षेत्रमा विशेष योगदान दिने व्यक्तिलाई प्रदान गरिँदै आएको छ । दुवै पुरस्कारको राशि रु दुई÷दुई लाख रहेको छ । 

गुठीका अनुसार विसं २०७४ मा प्रकाशित भएकामध्ये २५३ पुस्तक प्राप्त भएका थिए । त्यसमध्ये ‘कैरुन’, ‘नथिया’,‘पाठशाला’, ‘भुइयाँ’,‘यार’ ‘योगमाया’, ‘लिम्बुनी गाउँ’ र ‘हिमाली दर्शन’ अन्तिम आठमा परेका थिए । 

विसं २०१२ मा स्थापित मदन पुरस्कार पहिलो पटक विसं २०१३ मा गद्य विधामा सत्यमोहन जोशीको ‘हाम्रो लोक संस्कृति’ सामाजिक शास्त्रमा चित्तरञ्जन नेपालीको ‘जनरल भीमसेन थापा’ तथा विज्ञान विधामा बलराम जोशीको ‘अधिकविभक स्थिरविद्युत् उत्पादक’ पुस्तकलाई प्रदान गरिएको थियो । 

विसं २०४५ मा जगदम्बा रानीको निधनपछि उहाँको सम्झनास्वरुप जगदम्बा श्री पुरस्कारको स्थापना गरिएको हो । यस वर्षको पुरस्कारको घोषणा गत भदौ ११ गते गरिएको थियो ।


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video